കാളിദാസ് ജയറാമിന്റെ അടുത്തിടെ പുറത്തിറങ്ങിയ ചിത്രമാണ് ബാക്ക് പാക്കേഴ്‌സ്. ജയരാജ് സംവിധാനം ചെയ്യുന്ന ചിത്രം ഒ.ടി.ടി റിലീസ് ആയിരുന്നു.മലയാളത്തിലെ പുതിയ ഒടിടി പ്ലാറ്റ്ഫോമായ റൂട്ട്സ് വഴിയാണ് സിനിമ പ്രേക്ഷകരിലേക്കെത്തിയത്. ഇപ്പോഴിതാ ഈ സിനിമ ഒരു രൂപയ്ക്ക് കാണാം. സംവിധായകന്‍ ജയരാജ് തന്നെയാണ് ഇക്കാര്യം അറിയിച്ചത്.

ഒരു രോഗം മൂലം മരണം കാത്തു കഴിയുന്ന 2 ആളുകള്‍ക്കിടയില്‍ പ്രണയമാണ് സിനിമ പറയുന്നത്. പുതിയ പ്രതീക്ഷകളും മനോഹരമായ സംഗീതവും ഉള്‍ക്കൊള്ളിച്ചു കൊണ്ടാണ് സിനിമ ഒരുക്കിയിരിക്കുന്നത്. റൂട്ട്സിലൂടെ ആദ്യം റിലീസിനെത്തുന്നത് മലയാള ചിത്രമെന്ന പ്രത്യേകതയും ബാക്ക് പാക്കേഴ്‌സിനുണ്ട് . സിനിമകള്‍ കൂടാതെ വെബ് സീരീസ്, ഡോക്യുമെന്ററി,റിയാലിറ്റി ഷോസ്, ഇന്റര്‍വ്യൂ തുടങ്ങിയവയെല്ലാം റൂട്ട്സില്‍ ഉണ്ട്.