ചൂലെടുക്കുനതും അടിച്ചുവാരുന്നതുമെല്ലാം കൊള്ളാം പക്ഷേ എല്ലാം സന്ധ്യക്ക് മുൻപേ വേണം എന്ന് വീട്ടിലെ പ്രായം ചെന്ന മുത്തശ്ശിമാരിൽ നിന്നും നമ്മൾ കേട്ടിരിക്കും. സന്ധ്യക്ക് ശേഷം ചൂലെടുക്കുന്നത് ദോഷമാണെന്ന് പഴമക്കാരായ ഹൈന്ദവരുടെ വിശ്വാസം. ഈ വിശ്വാസം ഇപ്പൊഴു അതേ പടി കാത്തു സൂക്ഷിക്കുന്നവരും ഉണ്ട്. എന്നാൽ എന്താണ് ഈ വിശ്വാസത്തിന് പിന്നിലെ സത്യം?

തലമുറകളിലൂടെ കൈമാറ്റം ചെയ്ത് കിട്ടിയതാണ് നമുക്ക് ഈ വിശ്വാസം. സന്ധ്യക്ക് തൂത്തുവാരിയാൽ ഐശ്വര്യ ലക്ഷ്മി വീടിനു പടിയിറങ്ങി പോകും പറഞ്ഞുകേട്ടിട്ടുള്ളത്. സന്ധ്യയാകുന്നതോടെ വീടിനകത്തെ പ്രകാശം മങ്ങും. ഈ സമയത്ത് ചപ്പു ചവറുകൾ കളയുന്ന കൂട്ടത്തിൽ വിലപിടിപ്പുള്ള സാധനങ്ങൾ നഷ്ടപ്പെടാതിരിക്കാനാണ് സന്ധ്യക്ക് ശേഷം ചൂലെടുക്കരുത് എന്ന് പ്രധാനമായും പറയാൻ കാരണം.

നിലവിളക്കിന്റെ മാത്രം പ്രകാശത്തിൽ രാത്രി കഴിച്ചു കൂട്ടിയ കാലഘട്ടത്തിലാവും ഇത്തരം വിശ്വാസങ്ങൾ ഉടലെടുത്തിരിക്കുക. അത് പിന്നീട് തുടർന്നു പോന്നു