സെവാഗിന് ഇരട്ട ശതകം
|
ഓപ്പണര് വാസീം ജാഫറിനൊപ്പം ബാറ്റിംഗ് ആരംഭിച്ച സെവാഗ് 211 പന്തുകളില് 229 റണ്സുമായി പുറത്താകാതെ നില്ക്കുകയാണ്. ആദ്യം ജാഫറുമായും അതിനു ശേഷം 16 റണ്സ് എടുത്ത രാഹുല് ദ്രാവിഡിനെ കൂട്ട് നിര്ത്തിയും മികച്ച ബാറ്റിംഗ് കാഴ്ച വച്ച സെവാഗിന്റെ ബാറ്റില് നിന്നും 36 ബൌണ്ടറികളും 3 സിക്സും പിറന്നു.
സെഞ്ച്വറി നേടാന് 124 പന്തുകള് നേരിട്ട സെവാഗ് രണ്ടാം ശതകത്തില് എത്താന് കുറച്ച് പന്തുകളേ എടുത്തുള്ളൂ. ടെസ്റ്റ് കരിയറിലെ സെവാഗിന്റെ മൂന്നാമത്തെ ഇരട്ട സെഞ്ച്വറിയാണിത്. ഇന്ത്യയ്ക്ക് നഷ്ടമായ ഏക വിക്കറ്റ് വസീം ജാഫറിന്റേത് ആയിരുന്നു. 73 റണ്സ് എടുത്ത ജാഫറിനെ പോള് ഹാരീസിന്റെ പന്തില് കാലിസ് പിടികൂടി.
ഒന്നാം ഇന്നിംഗ്സില് അപരാജിതമായി കുതിക്കുന്ന സെവാഗിന്റെ പിന്ബലത്തില് ഇന്ത്യ ഒരു വിക്കറ്റ് നഷ്ടത്തില് 328 രണ്സ് എടുത്തിരിക്കുകയാണ് അടുത്ത ദിവസം കൂടി ഇന്ത്യ ബാറ്റിംഗ് തുടരുകയാണെങ്കില് ടെസ്റ്റിനു ഫലം ഉണ്ടാകില്ലെന്ന് ഉറപ്പാകും. നേരത്തെ ഒന്നാം ഇന്നിംഗ്സ് ബാറ്റ് ചെയ്ത ദക്ഷിണാഫ്രിക്ക ഹാഷീം ആംലയുടെ സെഞ്ച്വറിയുടെ മികവില് 540 റണ്സ് എടുത്തിരുന്നു.
