സ്ത്രീധന പീഡനത്തെ തുടര്‍ന്ന് തമിഴ്‌നാട്ടില്‍ തിരുവള്ളൂര്‍ സ്വദേശിനിയായ ജ്യോതിശ്രീ എന്ന യുവതി ആത്മഹത്യ ചെയ്തു. പീഡന വിവരം വീഡിയോയില്‍ പങ്കുവച്ചതിനു ശേഷമാണ് ജ്യോതിശ്രീ ആത്മഹത്യ ചെയ്തത്. തന്റെ മരണത്തിന് കാരണക്കാര്‍ ഭര്‍ത്താവും അമ്മായിയമ്മയുമാണെന്ന് യുവതി വീഡിയോയില്‍ പറയുന്നു. കഴിഞ്ഞ ഡിസംബര്‍ 25നായിരുന്നു തിരുമുള്ളവയല്‍ സ്വദേശിയായ ബാലമുരുകനുമായി യുവതിയുടെ വിവാഹം നടന്നത്.

60 പവനും 25 ലക്ഷം രൂപയും സ്ത്രീധനമായി നല്‍കിയിരുന്നു. തുകനല്‍കാന്‍ സാധിക്കാത്തതിനാല്‍ നിരന്തരം പീഡനമാണെന്നും കരഞ്ഞ് കരഞ്ഞ് കണ്ണുനീരില്ലെന്നും യുവതി പറയുന്നു. ജ്യോതിശ്രീയുടെ ആത്മഹത്യാ കുറിപ്പും കണ്ടെത്തിയിട്ടുണ്ട്. ഭര്‍ത്താവ് ഉള്‍പ്പെടെ മൂന്നുപേരെ പൊലീസ് അറസ്റ്റുചെയ്തു.