അനുബന്ധ വാര്ത്തകള്
- അച്യുതാനന്ദന് കോവിഡ്; ആശുപത്രിയില് പ്രവേശിപ്പിച്ചു
- വിഎസ് അച്യുതാനന്ദന്റെ ആരോഗ്യ നിലയില് പുരോഗതി
- വെന്റിലേറ്റര് സൗകര്യം വേണ്ടിവന്നേക്കും; വി.എസ്.അച്യുതാനന്ദന് അത്യാഹിത വിഭാഗത്തില് തുടരുന്നു
- ശ്വാസതടസ്സം വിഎസ് അച്യുതാനന്ദൻ ആശുപത്രിയിൽ, വെന്റിലേറ്റർ സഹായം വേണ്ടിവരുമെന്ന് ഡോക്ടർമാർ
- അന്ന് വി.എസിന്റെ വിശ്വസ്തനായിരുന്നു പിണറായി, ചടയന് ഗോവിന്ദന് മരിച്ചപ്പോള് പിണറായിയെ സെക്രട്ടറിയാക്കാന് കരുക്കള് നീക്കിയത് വി.എസ്; വര്ഷങ്ങള്ക്ക് ശേഷം ഇരുവരും രണ്ട് ചേരികളായി, പാര്ട്ടി സമ്മേളനങ്
ഉമ്മന്ചാണ്ടിക്ക് വി.എസ്.അച്യുതാനന്ദന് പത്ത് ലക്ഷം രൂപ നല്കേണ്ടത് എന്തിനാണ്?
ഉമ്മന്ചാണ്ടിക്ക് വി.എസ്.അച്യുതാനന്ദന് 10,10,000 രൂപ നഷ്ടപരിഹാരമായി നല്കണമെന്ന കോടതി വിധിയാണ് രാഷ്ട്രീയ കേരളം ഇന്ന് ചര്ച്ച ചെയ്യുന്നത്. വി.എസ്. എന്തിനാണ് ഇത്രയും വലിയ തുക നഷ്ടപരിഹാരമായി നല്കേണ്ടത് എന്നാണ് ഇപ്പോള് ഉയര്ന്നിരിക്കുന്ന ചോദ്യം. സോളാര് കേസുമായി ബന്ധപ്പെട്ടാണ് വി.എസ്.അച്യുതാനന്ദന് നഷ്ടപരിഹാരം നല്കണമെന്ന് വിധിച്ചിരിക്കുന്നത്.
സോളാര് ഇടപാടില് ഉമ്മന്ചാണ്ടി അഴിമതി നടത്തിയെന്ന വിഎസ്സിന്റെ പരാമര്ശത്തിനെതിരെയുള്ള ഹര്ജിയിലാണ് ഉമ്മന്ചാണ്ടിക്ക് അനുകൂലമായ വിധി. വിഎസ് ഉമ്മന്ചാണ്ടിക്ക് 10,10,000 രൂപ നഷ്ടപരിഹാരം നല്കണമെന്ന് തിരുവനന്തപുരം പ്രിന്സിപ്പല് സബ് കോടതിയാണ് ഉത്തരവിട്ടത്. 2013 ഓഗസ്തില് ഒരു സ്വകാര്യ ടിവി ചാനലിന് നല്കിയ അഭിമുഖത്തിലായിരുന്നു ഉമ്മന്ചാണ്ടിക്കെതിരേയുള്ള വിഎസ്സിന്റെ അഴിമതി ആരോപണം. അന്ന് മുഖ്യമന്ത്രിയായിരുന്ന ഉമ്മന് ചാണ്ടി ഒരു കമ്പനി ഉണ്ടാക്കി അഴിമതി നടത്തിയെന്നായിരുന്നു വി.എസിന്റെ ആരോപണം. ഇതിനെതിരെയാണ് ഉമ്മന് ചാണ്ടി മാനനഷ്ടക്കേസ് ഫയല് ചെയ്തത്.
