അനുബന്ധ വാര്ത്തകള്
- രാജ്യത്തെ സജീവ കൊവിഡ് കേസുകള് 73 ദിവസത്തിനു ശേഷം എട്ടുലക്ഷത്തിനുള്ളിലേക്ക്
- പ്രണയാഭ്യര്ഥന നടത്തി തുടര്ച്ചയായി ശല്യം ചെയ്യുന്നവരെ താക്കീതില് ഒതുക്കരുതെന്ന് കേരള വനിതാ കമ്മിഷന്
- ചുംബിക്കാന് പോലും അനുവാദം ചോദിക്കണം, അത് ഭാര്യയായാലും; സെക്ഷ്വല് കണ്സന്റ് ചെറിയ കാര്യമല്ല
- ബ്ലാക്ക് ഫംഗസ് ബാധിച്ച് മൂന്നു കുട്ടികളുടെ കണ്ണുകള് നീക്കം ചെയ്തു
- കൊവിഡിന്റെ മൂന്നാം തരംഗം കുട്ടികളെ അധികമായി ബാധിക്കില്ലെന്ന് പഠനം
ഇന്നും നാളെയും കേരള, കര്ണാടക തീരങ്ങളില് ശക്തമായ കാറ്റിന് സാധ്യത: കടലില് പോകരുതെന്ന് നിര്ദേശം
ഇന്നും നാളെയും കേരള, കര്ണാടക, ലക്ഷദ്വീപ് തീരങ്ങളില് മണിക്കൂറില് 40 മുതല് 50 കി.മീ. വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനു സാധ്യതയുണ്ടെന്നു കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളതിനാല് ഈ ദിവസങ്ങളില് മത്സ്യത്തൊഴിലാളികള് കടലില് പോകരുതെന്നു ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു.
കേരള തീരത്ത് നാളെ (ജൂണ് 19) രാത്രി 11.30 വരെ 3.5 മുതല് 4.1 മീറ്റര് വരെ ഉയരത്തില് തിരമാലയ്ക്കും കടലാക്രമണത്തിനും സാധ്യതയുണ്ടെന്നു ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചിട്ടുള്ളതിനാല് മത്സ്യത്തൊഴിലാളികളും തീരദേശ വാസികളും ജാഗ്രത പാലിക്കണമെന്നും കളക്ടര് അറിയിച്ചു. കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില്നിന്ന് അധികൃതരുടെ നിര്ദേശാനുസരണം മാറി താമസിക്കണം. മത്സ്യബന്ധന യാനങ്ങള് ഹാര്ബറില് സുരക്ഷിതമായി കെട്ടിയിട്ടു സൂക്ഷിക്കണം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കണമെന്നും അറിയിപ്പില് പറയുന്നു.
