നിപ ഭേദമായതിനുപിന്നാലെ ചികിത്സയില്‍ കഴിയുന്ന ഒന്‍പതുവയസുകാരന്‍ ഇന്ന് ആശുപത്രി വിടും. ചികിത്സയിലുണ്ടായിരുന്ന രണ്ടുപേര്‍ക്കാണ് രോഗം ഭേദമായത്. രണ്ടുപേരുടേയും ഫലം നെഗറ്റീവായി. ഓഗസ്റ്റ് 11നാണ് ഇരുവര്‍ക്കും നിപ സ്ഥിരീകരിച്ചത്. പനിബാധിച്ച് ഗുരുതരാവസ്ഥയിലായതിനു പിന്നാലെ കുട്ടി രണ്ടാഴ്ച വെന്റിലേറ്ററിലായിരുന്നു.

നിപ ബാധിച്ചു മരണപ്പെട്ട മുഹമ്മദലിയുടെ മകനും ഭാര്യാ സഹോദരനുമാണ് പരിശോധനാഫലം നെഗറ്റീവയിരിക്കുന്നത്. അതേസമയം ആശുപത്രി വിടുന്ന രണ്ടുപേരെയും ഹോം ക്വാറന്റൈനില്‍ പ്രവേശിപ്പിക്കും.