അനുബന്ധ വാര്ത്തകള്
- കളര്കോട് അപകടം: കാറോടിച്ച വിദ്യാര്ഥി പ്രതി, അപകടമുണ്ടായത് ഓവര് ടേക്ക് ചെയ്യുന്നതിനിടെ
- ഓൺലൈൻ തൊഴിൽ വാഗ്ദാനം നൽകി പണം തട്ടിയ കേസിൽ തമിഴ്നാട് സ്വദേശി പിടിയിൽ
- സ്ക്രാച്ച് കാര്ഡ് തട്ടിപ്പ്: പുതിയ തട്ടിപ്പുമായി ഹാക്കര്മാര്
- സമൂഹമാധ്യമങ്ങളില് അധിക്ഷേപം: യൂട്യൂബര്മാര്ക്കെതിരെ പരാതിയുമായി പി പി ദിവ്യ
- പിണറായി സര്ക്കാര് അധികാരത്തില് വന്നശേഷം വൈദ്യുതി നിരക്ക് വര്ധിപ്പിക്കുന്നത് ഇത് അഞ്ചാം തവണ; വര്ധിക്കുന്നത് 4.45 ശതമാനം
ഇതൊരു പതിവായോ ! വാര്ത്തയില് തെറ്റായ ചിത്രം നല്കി മനോരമ; മണികണ്ഠന് ആചാരി നിയമനടപടിക്ക്
അടുത്ത മാസം ചെയ്യേണ്ട തമിഴ് സിനിമയുടെ കണ്ട്രോളര് എന്നെ വിളിച്ചപ്പോഴാണ് വിവരം അറിഞ്ഞത്
മലയാള മനോരമ പത്രത്തില് തന്റെ ഫോട്ടോ ദുരുപയോഗം ചെയ്തതിനെതിരെ നിയമനടപടി സ്വീകരിക്കുമെന്ന് നടന് മണികണ്ഠന് ആചാരി. 'അനധികൃത സ്വത്ത് സമ്പാദനക്കേസ്: നടന് മണികണ്ഠനു സസ്പെന്ഷന്' എന്ന വാര്ത്തയിലാണ് നടന് മണികണ്ഠന് ആചാരിയുടെ ചിത്രം മലയാള മനോരമ ദിനപത്രം നല്കിയിരിക്കുന്നത്. മലപ്പുറം എഡിഷനിലെ വാര്ത്തയിലായിരുന്നു ഇത്.
'അനധികൃത സ്വത്ത് സമ്പാദന കേസില് നടന് കൂടിയായ മോട്ടോര് വാഹന വകുപ്പ് ഉദ്യോഗസ്ഥന് കെ.മണികണ്ഠനു സസ്പെന്ഷന്' എന്ന് വാര്ത്തയില് പറയുന്നുണ്ട്. കെ.മണികണ്ഠനു പകരം മനോരമ നല്കിയത് മണികണ്ഠന് ആചാരിയുടെ ചിത്രമാണ്. വേണ്ടത്ര ശ്രദ്ധയില്ലാതെ വാര്ത്ത നല്കിയ മലയാള മനോരമയ്ക്കെതിരെ സോഷ്യല് മീഡിയയില് ശക്തമായ വിമര്ശനമുയര്ന്നിരുന്നു. അതിനു പിന്നാലെയാണ് നടന് മണികണ്ഠന് ആചാരി മനോരമയ്ക്കെതിരെ രംഗത്തെത്തിയത്.
Actor Manikandan K
' മനോരമക്ക് എന്റെ പടം കണ്ടാല് അറിയില്ലേ. മനോരമക്ക് അറിയാത്ത ഒരാളാണോ ഞാനെന്ന് സംശയിക്കുന്നു. ഫോട്ടോ ദുരുപയോഗം ചെയ്തത് വളരെയധികം ബാധിച്ചു. അടുത്ത മാസം ചെയ്യേണ്ട തമിഴ് സിനിമയുടെ കണ്ട്രോളര് എന്നെ വിളിച്ചപ്പോഴാണ് വിവരം അറിഞ്ഞത്. നിങ്ങള് അറസ്റ്റിലായെന്ന് കേരളത്തിലെ ഒരു സുഹൃത്ത് പറഞ്ഞ് അറിഞ്ഞു. അവര്ക്ക് വിളിക്കാന് തോന്നിയത് കൊണ്ട് മനസ്സിലായി അത് ഞാനല്ലെന്ന്. അയാള് അറസ്റ്റിലായി വേറൊരാളെ കാസ്റ്റ് ചെയ്യാം എന്ന് അവര് ആലോചിച്ചിരുന്നെങ്കില് എന്റെ അവസരവും നഷ്ടപ്പെട്ടേനെ. ഇനിയെത്ര അവസരം നഷ്ടപ്പെടുമെന്ന് അറിയില്ല. നിയമപരമായി മുന്നോട്ടുപോകും. ജീവിതത്തില് ഇതുവരെ ഒരു ചീത്തപ്പേരും ഉണ്ടാക്കിയിട്ടില്ല. അതുണ്ടാക്കാതിരിക്കാനുള്ള ജാഗ്രത എന്റെ ജീവിതത്തിലെ ഓരോ നിമിഷത്തിലും ഉണ്ട്. വളരെ എളുപ്പത്തില് എനിക്കൊരു ചീത്തപ്പേര് ഉണ്ടാക്കിത്തന്ന മനോരമക്ക് ഒരിക്കല് കൂടി ഒരു നല്ല നമസ്കാരവും നന്ദിയും അറിയിക്കുന്നു,' വീഡിയോ സന്ദേശത്തില് മണികണ്ഠന് പറഞ്ഞു.
