വടകരയില്‍ നിന്നു ജയിച്ച കെ.കെ.രമ നിയമസഭയിലെത്തിയത് ഭര്‍ത്താവും രക്തസാക്ഷിയുമായ ടി.പി.ചന്ദ്രശേഖരന്റെ ചിത്രമുള്ള ബാഡ്ജ് ധരിച്ച്. സാരിയില്‍ ഈ ബാഡ്ജ് കുത്തിയ ശേഷമാണ് രമ സഭയിലേക്ക് കയറിയത്. ശേഷം സത്യപ്രതിജ്ഞ ചെയ്യുമ്പോഴും ഈ ബാഡ്ജ് ഉണ്ടായിരുന്നു. ആദ്യമായാണ് രമ നിയമസഭയിലെത്തുന്നത്. ഇത്തവണ വടകരയില്‍ നിന്ന് യുഡിഎഫ് സ്ഥാനാര്‍ഥിയായാണ് രമ മത്സരിച്ചത്. സിപിഎമ്മിന്റെ അക്രമരാഷ്ട്രീയത്തിനെതിരെ നിയമസഭയില്‍ നിലകൊള്ളുമെന്നാണ് രമ തിരഞ്ഞെടുപ്പ് വിജയത്തിനുശേഷം പറഞ്ഞത്. യുഡിഎഫില്‍ നിന്ന് നിയമസഭയിലെത്തുന്ന ഏക വനിത അംഗം കൂടിയാണ് രമ.