ഐപിഎല്ലിലെ മികച്ച താരങ്ങളുടെ പട്ടികയിൽ ഇടമുള്ള താരമാണ് രാജസ്ഥാൻ റോയൽസ് താരം സഞ്ജു സാംസൺ. ബാറ്ററെന്ന നിലയിലും നായകനെന്ന നിലയിലും മികച്ച പ്രകടനമാണ് സഞ്ജു നടത്തുന്നത്. ഐപിഎല്ലിൽ ഒട്ടേറെ ടീമുകൾ താരത്തിൻ്റെ ബാറ്റിൻ്റെ ചൂട് അനുഭവിച്ചിട്ടുണ്ടെങ്കിലും ചെന്നൈ സൂപ്പർ കിംഗ്സിനെ കാണുമ്പോൾ താരത്തിൻ്റെ മുട്ടിടിക്കുമെന്ന് കണക്കുകൾ വ്യക്തമാക്കുന്നു.

സഞ്ജുവിൻ്റെ ദൗർബല്യങ്ങളെ പറ്റി കൃത്യമായ ധാരണ ചെന്നൈ നായകൻ ധോനിയ്ക്ക് ഉള്ളതിനാലാണ് താരം ചെന്നൈയ്ക്കെതിരെ പരാജയമാകുന്നതെന്ന് ആരാധകർ പറയുന്നു. ചെന്നൈക്കെതിരെ 14 ഇന്നിങ്ങ്സ് കളിച്ച സഞ്ജുവിൻ്റെ ബാറ്റിംഗ് ശരാശരി 15.3 മാത്രമാണ്. 2020ൽ ഷാർജയിലാണ് സഞ്ജു ചെന്നൈക്കെതിരെ തൻ്റെ ഏക അർധസെഞ്ചുറി ഐപിഎല്ലിൽ കുറിച്ചത്. ഈ സീസണിലെ 2 മത്സരങ്ങളിലും നായകനെന്ന നിലയിൽ ചെന്നൈയെ പരാജയപ്പെടുത്താനായെങ്കിലും ബാറ്ററെന്ന നിലയിൽ തിളങ്ങാൻ സഞ്ജുവിനായിരുന്നില്ല.