ഐപിഎൽ 2023 സീസണിൽ പ്ലേ ഓഫിലേക്ക് കടക്കാൻ സാധ്യതയുള്ള ടീമുകളെ തെരെഞ്ഞെടുത്ത് മുൻ ഇന്ത്യൻ ഓഫ് സ്പിന്നർ ഹർഭജൻ സിംഗ്. ഗുജറാത്ത് ടൈറ്റൻസ് പോയൻ്റ് ടേബിളിൽ ഒന്നാമതായി പ്ലേ ഓഫിലെത്തുമെന്നാണ് ഹർഭജൻ പറയുന്നത്. അതേസമയം അവസാന നാല് ടീമുകളിൽ മികച്ച പ്രകടനം നടത്തുന്ന സഞ്ജു സാംസണിൻ്റെ രാജസ്ഥാൻ റോയൽസിനെ ഹർഭജൻ ഉൾപ്പെടുത്തിയിട്ടില്ല.

ഗുജറാത്തിനൊപ്പം ആർസിബി,ചെന്നൈ സൂപ്പർ കിംഗ്സ്, മുംബൈ ഇന്ത്യൻസ് എന്നീ ടീമുകൾ അടുത്ത ഘട്ടത്തിലെത്തുമെന്നാണ് ഹർഭജൻ പറയുന്നത്. നിലവിൽ 9 മത്സരങ്ങളിൽ നിന്നും 10 പോയൻ്റുകളുള്ള മുംബൈ ഇന്ത്യൻസ്,രാജസ്ഥാൻ,ആർസിബി എന്നീ ടീമുകൾ പ്ലേ ഓഫിൽ ഇടം പിടിക്കാനുള്ള ശ്രമത്തിലാണ്. 11 പോയൻ്റുള്ള ചെന്നൈ പട്ടികയിൽ പോയൻ്റ് മൂന്നാം സ്ഥാനത്താണ്. മുംബൈ അല്പം പിന്നിലാണെങ്കിലും രാജസ്ഥാനെ മറികടന്ന് യോഗ്യത നേടാൻ ടീമിനാകുമെന്ന് ഹർഭജൻ പറയുന്നു. അവസാനമായി ആർസിബി ആയിരിക്കും അവസാന നാലിലെത്തുകയെന്നും ഹർഭജൻ പറയുന്നു.