അനുബന്ധ വാര്ത്തകള്
- RR vs MI: ആദ്യ ഓവറില് തന്നെ ബോള്ട്ടിന്റെ വെള്ളിടി, റണ്സൊന്നും നേടാതെ രോഹിത്തും നമാന് ധിറും പുറത്ത്
- ഈ വെറുപ്പ് മറികടക്കാൻ ഹാർദ്ദിക്കിന് കഴിയും, പഴയ സഹതാരത്തിന് പിന്തുണയുമായി ബോൾട്ട്
- മുംബൈയെ കണ്ടാൽ ഓടിച്ചിട്ട് അടിക്കണം, ജോസേട്ടന് സ്പാർക്ക് കിട്ടിയാൽ ഇന്ന് മുംബൈ ചാമ്പലാകും, കണക്കുകൾ ഇങ്ങനെ
- ഞാൻ കണ്ടെടോ ഞങ്ങളെ ആ പഴയ തലയെ, തോൽവിയിലും ധോനിയുടെ പ്രകടനം ആഘോഷിച്ച് ചെന്നൈ ആരാധകർ
- RR vs MI: വാംഖഡെയിൽ ഹാർദ്ദിക്കിനെതിരെ സഞ്ജു, വിജയിച്ചാൽ ടേബിളിൽ ഒന്നാം സ്ഥാനം
Mumbai Indians: ഹാര്ദിക്കിന്റെ ക്യാപ്റ്റന്സിയില് മുംബൈ ഇന്ത്യന്സിന് മൂന്നാം തോല്വി ! നാണക്കേട്
ടോസ് നഷ്ടപ്പെട്ടു ബാറ്റിങ്ങിനിറങ്ങിയ മുംബൈയ്ക്ക് തുടക്കം മുതല് തകര്ച്ച നേരിട്ടു
Mumbai Indians
Mumbai Indians: ഐപിഎല്ലില് മുംബൈ ഇന്ത്യന്സിന് തുടര്ച്ചയായി മൂന്നാം തോല്വി. രാജസ്ഥാന് റോയല്സിനെതിരായ മത്സരത്തില് ആറ് വിക്കറ്റിനാണ് മുംബൈ തോറ്റത്. ആദ്യം ബാറ്റ് ചെയ്ത മുംബൈ നിശ്ചിത 20 ഓവറില് ഒന്പത് വിക്കറ്റ് നഷ്ടത്തില് 125 റണ്സ് നേടിയപ്പോള് രാജസ്ഥാന് 15.3 ഓവറില് നാല് വിക്കറ്റ് നഷ്ടത്തില് ജയം സ്വന്തമാക്കി. രാജസ്ഥാന് ബൗളര് ട്രെന്റ് ബോള്ട്ടാണ് കളിയിലെ താരം.
ടോസ് നഷ്ടപ്പെട്ടു ബാറ്റിങ്ങിനിറങ്ങിയ മുംബൈയ്ക്ക് തുടക്കം മുതല് തകര്ച്ച നേരിട്ടു. ഓപ്പണര് രോഹിത് ശര്മ അടക്കം മൂന്ന് ബാറ്റര്മാര് ഗോള്ഡന് ഡക്കായി. 21 പന്തില് 34 റണ്സ് നേടിയ നായകന് ഹാര്ദിക് പാണ്ഡ്യയും 29 പന്തില് 32 റണ്സ് നേടിയ തിലക് വര്മയുമാണ് മുംബൈയുടെ ടോപ് സ്കോറര്മാര്. നാല് ഓവറില് 22 റണ്സ് വഴങ്ങി മൂന്ന് വിക്കറ്റ് വീഴ്ത്തിയ ട്രെന്റ് ബോള്ട്ടാണ് മുംബൈയുടെ ബോള്ട്ടിളക്കിയത്. യുസ്വേന്ദ്ര ചഹല് നാല് ഓവറില് 11 റണ്സിന് മൂന്ന് വിക്കറ്റും നാന്ദ്രേ ബര്ജര് രണ്ട് വിക്കറ്റും വീഴ്ത്തി.
മറുപടി ബാറ്റിങ്ങില് രാജസ്ഥാന് റോയല്സിനും തുടക്കത്തില് വിക്കറ്റുകള് നഷ്ടമായി. ഓപ്പണര്മാരായ യഷസ്വി ജയ്സ്വാള് (ആറ് പന്തില് 10), ജോസ് ബട്ലര് (16 പന്തില് 13) എന്നിവര് അതിവേഗം മടങ്ങി. നായകന് സഞ്ജു സാംസണ് 10 പന്തില് 12 റണ്സെടുത്ത് പുറത്തായി. ബാറ്റര്മാര് കഷ്ടപ്പെട്ട പിച്ചില് 39 പന്തില് അഞ്ച് ഫോറും മൂന്ന് സിക്സും അടക്കം 54 റണ്സെടുത്ത് പുറത്താകാതെ നിന്ന റിയാന് പരാഗാണ് രാജസ്ഥാനെ വിജയത്തിലെത്തിച്ചത്. രവിചന്ദ്രന് അശ്വിന് 16 പന്തില് 16 റണ്സ് നേടി.
ഹാര്ദിക് പാണ്ഡ്യയുടെ ക്യാപ്റ്റന്സിക്ക് കീഴില് മുംബൈയുടെ മൂന്നാം തോല്വിയാണിത്. ഈ സീസണില് ഒരു കളി പോലും മുംബൈ ജയിച്ചിട്ടില്ല.
