അനുബന്ധ വാര്ത്തകള്
- Viral Hepatitis in Thrissur: തൃശൂര് ജില്ലയില് മഞ്ഞപ്പിത്തം പടരുന്നു; ഇക്കാര്യങ്ങള് ശ്രദ്ധിക്കുക
- സലൂണിലെ ത്രെഡിംഗ് രീതി മൂന്ന് യുവതികള്ക്ക് ഹെപ്പറ്റൈറ്റിസ് ബി ബാധയ്ക്ക് കാരണമായെന്ന് ഡോക്ടര്!
- ഇടവിട്ടുള്ള മഴ പകര്ച്ചവ്യാധികള് സംസ്ഥാനത്ത് പിടിമുറുക്കുന്നു; 97 ശതമാനം മരണ നിരക്കുള്ള മസ്തിഷ്ക ജ്വരത്തിനെതിരെ ജാഗ്രത വേണമെന്ന് ആരോഗ്യവകുപ്പ്
- മുട്ട കേടായാൽ എങ്ങനെ തിരിച്ചറിയാം?
- നാരങ്ങ വെള്ളം ധാരാളം കുടിക്കുന്നതിന്റെ പാര്ശ്വഫലങ്ങള് അറിയാമോ
കേരളത്തില് കൊവിഡിന് പിന്നാലെ ഹെപ്പറ്റൈറ്റിസ് കേസുകള് വര്ധിക്കുന്നു; ഇക്കാര്യങ്ങള് ശ്രദ്ധിക്കണം
ഹെപ്പറ്റൈറ്റിസ് എന്നിവ ഒരുമിച്ച് വരുന്നത് ആരോഗ്യ സംരക്ഷണ മേഖലയില് വലിയ സമ്മര്ദ്ദം ചെലുത്തിയിട്ടുണ്ട്.
കേരളത്തില് കൊവിഡിന് പിന്നാലെ ഹെപ്പറ്റൈറ്റിസ് കേസുകള് വര്ധിക്കുന്നു. കോവിഡ് കേസുകളില് കേരളം ഇതിനകം തന്നെ മുന്നിലാണ്. തൃശൂര് ജില്ലയാണ് ഹെപ്പറ്റൈറ്റിസ് കേസുകള് കൂടുതല്. കോവിഡ്, ഹെപ്പറ്റൈറ്റിസ് എന്നിവ ഒരുമിച്ച് വരുന്നത് ആരോഗ്യ സംരക്ഷണ മേഖലയില് വലിയ സമ്മര്ദ്ദം ചെലുത്തിയിട്ടുണ്ട്.
ഹെപ്പറ്റൈറ്റിസ് എ, ഇ എന്നിവ കരളിനെയാണ് ബാധിക്കുന്നത്. മലിനമായ ഭക്ഷണത്തിലൂടെയും വെള്ളത്തിലൂടെയുമാണ് ഇത് പ്രധാനമായും പകരുന്നത്. ഹോട്ടലുകളും ഭക്ഷണശാലകളും വളരെ കരുതലോടയിരിക്കണമെന്ന് മുന്നറിയിപ്പ് നല്കി. കുടിവെള്ളം തിളപ്പിക്കുക, തണുത്ത വെള്ളം ചൂടുവെള്ളത്തില് കലര്ത്താതിരിക്കാന് ശ്രദ്ധിക്കുക തുടങ്ങിയ ചില മുന്കരുതലുകള് പാലിക്കണമെന്നും ആവശ്യപ്പെട്ടിട്ടുണ്ട്.
ഹെപ്പറ്റൈറ്റിസിന്റെ ലക്ഷണങ്ങള് എന്തൊക്കെയാണ്?
വൈറസ് ബാധയേറ്റ് പൂര്ണ്ണമായി വികസിക്കാന് സാധാരണയായി 15 മുതല് 60 ദിവസം വരെ എടുക്കും. ലക്ഷണങ്ങള് ശ്രദ്ധിക്കുമ്പോള്, ശരീരവേദനയോടൊപ്പം പനി, അലസത, തലവേദന, ഓക്കാനം, കണ്ണുകളുടെയും ചര്മ്മത്തിന്റെയും മഞ്ഞനിറം, മൂത്രത്തിന്റെ നിറം മാറല് എന്നിവ ഉള്പ്പെടുന്നു.
ഹെപ്പറ്റൈറ്റിസ് ഭീഷണിയെ എങ്ങനെ നേരിടാം, എന്തൊക്കെ മുന്കരുതലുകള് സ്വീകരിക്കണം
കൈകള് കഴുകാനും, നഖങ്ങള് പതിവായി വെട്ടിമാറ്റാനും, ശരീര മാലിന്യങ്ങള് ശരിയായ സ്ഥലങ്ങളില് സംസ്കരിക്കാനും ജനങ്ങളോട് ആരോഗ്യ വിദഗ്ദര് നിര്ദ്ദേശിക്കുന്നു. പുറത്ത് നിന്ന് ഭക്ഷണം കഴിക്കുകയോ കുടിക്കുകയോ ചെയ്യുന്നത് അണുബാധയ്ക്ക് കാരണമാകുമെന്നതിനാല് അത് ഒഴിവാക്കുക. മഴക്കാലം അടുക്കുന്നതിനാല്, അണുബാധയുടെ തോത് അഭൂതപൂര്വമായി ഉയര്ന്നേക്കാം. അതിനാല് കൂടുതല് ജാഗ്രത പാലിക്കണം.
