കണ്ണീരണിഞ്ഞ് ഫുട്ബോള്‍ ഇതിഹാസം; തോല്‍‌വിക്ക് പിന്നാലെയുള്ള മെസിയുടെ ഹൃദയഭേദകമായ വീഡിയോ
ചിലിയോട് പെനാല്‍റ്റി ഷൂട്ടൌട്ടില്‍ ആയിരുന്നു അര്‍ജന്റീനയുടെ പരാജയം
ന്യൂയോര്‍ക്ക്|
jibin|
Last Modified തിങ്കള്‍, 27 ജൂണ്‍ 2016 (13:28 IST)
കോപ്പ അമേരിക്ക ഫൈനലിലെ പരാജയത്തെ തുടര്‍ന്ന് രാജ്യാന്തര ഫുട്‌ബോളില്‍ നിന്ന് വിരമിക്കാനുള്ള ലയണല്‍
മെസിയുടെ തീരുമാനം ആരാധകരെ ഞെട്ടിക്കുന്നതായിരുന്നു. ചിലിക്കെതിരെ തുടർച്ചയായ രണ്ടാം തോൽവിക്കു പിന്നാലെ വിതുമ്പുന്ന കാഴ്ച ഹൃദയഭേദകമായിരുന്നു.
ചിലിയോട് പെനാല്‍റ്റി ഷൂട്ടൌട്ടില്‍ ആയിരുന്നു അര്‍ജന്റീനയുടെ പരാജയം. ഈ പരാജയത്തിനു തൊട്ടു പിന്നാലെയാണ് മെസി വിരമിക്കല്‍ പ്രഖ്യാപിച്ചത്. മെസിക്ക് പിന്നാലെ അഗ്യൂറോയും മഷെറാനോയും വിരമിക്കല്‍ പ്രഖ്യാപിച്ചു.
ടീം തോറ്റതിന് പിന്നാലെ മെസി കരയുകയായിരുന്നു. ലോകകപ്പിലെ പരാജയ നിമിഷത്തില്‍ അര്‍ജന്റീനയുടെ സൂപ്പര്‍ താരത്തെ ഇത്രയും നിരാശയോടെ കണ്ടിട്ടില്ലെന്ന് അഗ്യൂറോ വ്യക്തമാക്കി.
ഫൈനലിലെ അര്‍ജന്റീനയുടെ പരാജയത്തിന്റെ ആഘാതം കൂട്ടിയതും മെസി പാഴാക്കിയ പെനാല്‍റ്റി കിക്ക് ആയിരുന്നു. അര്‍ജന്റീനയുടെ എക്കാലത്തെയും മികച്ച ഗോള്‍ സ്കോറര്‍ ആയി ഈ കോപ്പ അമേരിക്കയില്‍ റെക്കോര്‍ഡ് നേടിയെങ്കിലും ടീമിനെ വിജയത്തിലെത്തിക്കാന്‍ കഴിയാത്തതാണ് വിരമിക്കല്‍ പ്രഖ്യാപനത്തിനു പിന്നില്‍.
