സജിത്ത്|
Last Modified ശനി, 18 ഫെബ്രുവരി 2017 (14:42 IST)
ബ്രാന്‍ഡ് വാല്യൂവില്‍ പുതിയ ചരിത്രം തിരുത്തിയെഴുതി ഇന്ത്യന്‍ ക്രിക്കറ്റ് നായകന്‍ വിരാട് കൊഹ്‌ലി. 920 ലക്ഷം യുഎസ് ഡോളറാണ് കൊഹ്‌ലിയുടെ ഇപ്പോഴത്തെ ബ്രാന്‍ഡ് മൂല്യം. ഇക്കാര്യത്തില്‍ മഹേന്ദ്രസിങ് ധോണിയെയും സച്ചിനെയും മറികടന്നാണ് കൊഹ്‌ലിയുടെ ഈ ചരിത്ര നേട്ടം.
ബ്രാന്‍ഡിങ് കമ്പനികളുടെ മൂല്യം നിര്‍ണയിക്കുന്ന ഡഫ് ആന്റ് ഫെല്‍പ്‌സാണ് കൊഹ്‌ലിയുടെ ബ്രാന്‍ഡ് മൂല്യം രേഖപ്പെടുത്തിയ ഈ പട്ടിക പുറത്തുവിട്ടത്. ഇന്ത്യന്‍ ക്രിക്കറ്റ് ടീമിന്റെ എല്ലാ ഫോര്‍മാറ്റിന്റെയും നായകനായശേഷം അദ്ദേഹത്തിന്റെ ബ്രാന്‍ഡ് മൂല്യത്തില്‍ 25മുതല്‍ 30 ശതമാനം വരെ വര്‍ധനയുണ്ടായതായാണ് കണക്ക്.
ഈ നിലയില്‍ മുന്നോട്ടുപോയാല്‍ ബോളിവുഡ് താരം ഷാറൂഖ് ഖാനെ പോലും കോഹ്ലി പിന്തള്ളുമെന്നാണ് കണക്ക്. 1310 ലക്ഷം ഡോളറാണ് ഷാറൂഖിന്റെ ബ്രാന്‍ഡ് വാല്യൂ. ഇരുപത് ബ്രാന്‍ഡുകള്‍ക്ക് വേണ്ടിയാണ് കൊഹ്‌ലി ഇപ്പോള്‍ പ്രത്യക്ഷപ്പെടുന്നത്. ജിയോണി, അമേരിക്കന്‍ ടൂറിസ്റ്റര്‍ എന്നിങ്ങനെയുള്ള വമ്പന്‍ കമ്പനികളും കൊഹ്‌ലിയുടെ പിന്നാലെയാണ്.
