ടി20 ലോകകപ്പിലെ ഗ്രൂപ്പ് 12 മത്സരത്തിൽ ഇന്ത്യയ്ക്ക് പിന്നാലെ സിംബാബ്‌വെയോടും പരാജയപ്പെട്ടതിന് പിന്നാലെ കടുത്ത വിമർശനമാണ് പാക് ടീമിനും ടീം മാനേജ്മെൻ്റിനും നേരെ ഉയരുന്നത്. പവർപ്ലേ ഉപയോഗപ്പെടുത്തുന്നതിൽ പാക് ഓപ്പണർമാർ പരാജയമാണെന്നും പാകിസ്ഥാൻ്റെ മധ്യനിര ദുർബലമാണെന്നും മുൻ പാക് താരം ഷോയ്ബ് അക്തർ വിമർശിച്ചിരുന്നു.

ഇപ്പോഴിതാ ഇന്ത്യയും അത്ര നല്ല ടീമൊന്നുമല്ലെന്ന് അഭിപ്രായപ്പെട്ടിരിക്കുകയാണ് പാക് മുൻ താരം. പാക് തോൽവിയുടെ നിരാശ പങ്കുവെച്ചുകൊണ്ട് തൻ്റെ യൂട്യൂബ് ചാനലിൽ പങ്കുവെച്ച വീഡിയോയിലാണ് അക്തർ ഇക്കാര്യം പറഞ്ഞത്. പാകിസ്ഥാൻ ഈ ആഴ്ച തന്നെ നാട്ടിലേക്ക് മടങ്ങുമെന്ന് ഞാൻ നേരത്തെ പറഞ്ഞിരുന്നു. സെമി ഫൈനൽ കളിച്ച് ഇന്ത്യയും നാട്ടിലേക്ക് മടങ്ങും. അവരും അത്ര നല്ല ടീമൊന്നുമല്ല. അക്തർ പറഞ്ഞു.