ഐപിഎല്ലിൽ മികവ് കാണിക്കുന്നുവെങ്കിലും ഇന്ത്യൻ ടീമിൽ കിട്ടിയ അവസരങ്ങളൊന്നും തന്നെ മലയാളി താരമായ സഞ്ജു സാംസണിന് മുതലാക്കാൻ ആയിരുന്നില്ല. അവസാനം കളിച്ച ശ്രീലങ്കൻ പര്യടനത്തിലും തന്റെ അവസരം സഞ്ജു കളഞ്ഞുകുളിച്ചിരുന്നു. ഇതിനെ തുടർന്ന് ടി20 ലോകകപ്പിനുള്ള ടീമിൽ നിന്നും താരം പുറത്താവുകയും ചെയ്‌തിരുന്നു.

ഇപ്പോഴിതാ തുടരെ സ്കോർ കണ്ടെത്തികൊണ്ട് ടീമിലെ തന്റെ അസാന്നിധ്യത്തെ ചോദ്യം ചെയ്‌തിരിക്കുകയാണ് രാജസ്ഥാൻ നായകൻ.57 പന്തില്‍ 82 റണ്‍സ് അടിച്ചുകൂട്ടിയ ക്ലാസിക് ഇന്നിങ്‌സിന് പിന്നാലെ നായകന് പിന്തുണയുമായി എത്തിയിരിക്കുകയാണ് രാജസ്ഥാൻ റോയൽസ്.

സഞ്ജുവിന്റെ കാലം അവസാനിച്ചു എന്ന് സൂചിപ്പിക്കുന്ന ഒരു പത്ര തലക്കെട്ടിന് മുകളിൽ നോട്ട് എന്നെഴുതികൊണ്ടുള്ള ചിത്രമാണ് ഐപിഎൽ ഓറഞ്ച് ക്യാപ് സഞ്ജു നേടിയതിന് പിന്നാലെ രാജസ്ഥാൻ പങ്കുവെച്ചത്. ഐപിഎല്ലിലെ പതിനാലാം സീസണിൽ 10 കളികളിൽ നിന്നും 133 റൺസാണ് സഞ്ജുവിന്റെ സമ്പാദ്യം. 10 കളികളിൽ നിന്ന് 430 റൺസ് നേടിയ ശിഖർ ധവാനാണ് സഞ്ജുവിന് പുറകിലുള്ളത്.