1. കായികം
  2. ക്രിക്കറ്റ്‌
  3. ക്രിക്കറ്റ്‌ വാര്‍ത്ത
  4. India vs Afghanistan Super 8 Match Sanju Samson

Sanju Samson: സൂപ്പര്‍ എട്ടിലും സഞ്ജുവില്ല ! അഫ്ഗാനിസ്ഥാനെതിരായ മത്സരത്തില്‍ ഒരു മാറ്റത്തിനു സാധ്യത

ജയിച്ചു നില്‍ക്കുന്ന പ്ലേയിങ് ഇലവനില്‍ മാറ്റങ്ങള്‍ വരുത്തേണ്ട ആവശ്യമില്ലെന്നാണ് ടീം മാനേജ്‌മെന്റിന്റെ വിലയിരുത്തല്‍

Sanju Samson
Sanju Samson

Sanju Samson: സൂപ്പര്‍ എട്ടിലെ അഫ്ഗാനിസ്ഥാനെതിരായ മത്സരത്തിലും മലയാളി താരം സഞ്ജു സാംസണ്‍ കളിക്കില്ല. മുന്‍ മത്സരങ്ങളിലെ ബാറ്റിങ് ഓര്‍ഡറില്‍ മാറ്റം വരുത്താതെയാകും ഇന്ത്യ അഫ്ഗാനിസ്ഥാനെതിരെ ഇറങ്ങുക. റിഷഭ് പന്ത് വിക്കറ്റ് കീപ്പര്‍ ബാറ്ററായി തുടരും. യുഎസ്എയ്‌ക്കെതിരായ മത്സരത്തിലൂടെ ഫോമിലേക്ക് തിരിച്ചെത്തിയ സൂര്യകുമാര്‍ യാദവ്, ശിവം ദുബെ എന്നിവര്‍ പ്ലേയിങ് ഇലവനില്‍ തുടരും. വിരാട് കോലി തന്നെയായിരിക്കും രോഹിത് ശര്‍മയ്‌ക്കൊപ്പം ഓപ്പണ്‍ ചെയ്യുക. 
 
ഗ്രൂപ്പ് ഘട്ടത്തിലെ നാല് മത്സരങ്ങളില്‍ മൂന്നിലും ഇന്ത്യ ജയിച്ചതാണ്. ഒരു കളി മഴ മൂലം ഉപേക്ഷിച്ചു. ജയിച്ചു നില്‍ക്കുന്ന പ്ലേയിങ് ഇലവനില്‍ മാറ്റങ്ങള്‍ വരുത്തേണ്ട ആവശ്യമില്ലെന്നാണ് ടീം മാനേജ്‌മെന്റിന്റെ വിലയിരുത്തല്‍. ബാറ്റിങ്ങിലും ബൗളിങ്ങിലും പൂര്‍ണമായി നിരാശപ്പെടുത്തിക്കൊണ്ടിരിക്കുന്ന രവീന്ദ്ര ജഡേജയ്ക്കു പകരം കുല്‍ദീപ് യാദവിനെ പ്ലേയിങ് ഇലവനില്‍ ഇറക്കാനുള്ള നേരിയ സാധ്യത മാത്രമാണ് ഇപ്പോള്‍ ഉള്ളത്. 
 
സാധ്യത ഇലവന്‍: രോഹിത് ശര്‍മ, വിരാട് കോലി, റിഷഭ് പന്ത്, സൂര്യകുമാര്‍ യാദവ്, ശിവം ദുബെ, ഹാര്‍ദിക് പാണ്ഡ്യ, അക്ഷര്‍ പട്ടേല്‍, രവീന്ദ്ര ജഡേജ/കുല്‍ദീപ് യാദവ്, ജസ്പ്രീത് ബുംറ, അര്‍ഷ്ദീപ് സിങ്, മുഹമ്മദ് ഷമി 
 
ജൂണ്‍ 20 വ്യാഴാഴ്ചയാണ് ഇന്ത്യ-അഫ്ഗാനിസ്ഥാന്‍ മത്സരം. ഇന്ത്യന്‍ സമയം രാത്രി എട്ട് മുതല്‍ സ്റ്റാര്‍ സ്‌പോര്‍ട്‌സിലും ഡിസ്‌നി പ്ലസ് ഹോട്ട് സ്റ്റാറിലും തത്സമയം കാണാം. 
 
അടുത്ത ലേഖനം
T20 World Cup 2024: ഇന്ത്യക്ക് തിരിച്ചടി; സൂപ്പര്‍ 8 മത്സരങ്ങള്‍ ആരംഭിക്കാനിരിക്കെ സൂര്യകുമാര്‍ യാദവിനു പരുക്ക്