ഇന്ത്യ, ദക്ഷിണാഫ്രിക്ക ‘എ’ ടീമുകള്‍ തമ്മിലുള്ള ചതുര്‍ദിന മത്സരത്തിനായി ഇരു ടീമുകളും വയനാട്ടില്‍ എത്തി. മത്സരം ചൊവ്വാഴ്ച തുടങ്ങും. ഞായറാഴ്ച വൈകുന്നേരത്തോടെ എത്തിയ ടീമുകള്‍ക്ക് മുത്തങ്ങയില്‍ സ്വീകരണം നല്കി.

ഇന്ത്യ ‘എ’ ടീമിനൊപ്പം പരിശീലകനായ രാഹുല്‍ ദ്രാവിഡും ഉണ്ട്. വയനാട് കൃഷ്‌ണഗിരി സ്റ്റേഡിയത്തിലാണ് മത്സരം നടക്കുക. സ്റ്റേഡിയത്തില്‍ നടക്കുന്ന ആദ്യ അന്താരാഷ്‌ട്ര മത്സരമാണിത്. തിങ്കളാഴ്ച രാവിലെ ഇന്ത്യന്‍ ടീമും ഉച്ചകഴിഞ്ഞ് ദക്ഷിണാഫ്രിക്കന്‍ ടീമും ഗ്രൌണ്ടില്‍ പരിശീലനം നടത്തും.

ഓഗസ്റ്റ് 18 മുതല്‍ 21 വരെയാണ് ആദ്യമത്സരം. രണ്ടാം ടെസ്റ്റ് 25 മുതല്‍ 28 വരെ. 09.30 മുതല്‍ 04.30 വരെയാണ് കളി. കളി കാണുന്നതിന് പ്രവേശനം സൌജന്യമാണ്. സ്റ്റേഡിയത്തില്‍ 5000 പേര്‍ക്ക് കളി കാണാനുള്ള സൌകര്യം ഉണ്ടാകും. ഇന്ത്യന്‍ ടീം സെലക്ടര്‍മാരായ റോജര്‍ ബിന്നി, രതീന്ദര്‍ സിംഗ് ഹന്‍സ് തുടങ്ങിയവര്‍ കളി കാണാനെത്തും.

ഇന്ത്യന്‍ ‘എ’ ടീം അംഗങ്ങള്‍: അമ്പാട്ടി റായിഡു (ക്യാപ്റ്റന്‍) കരുണ്‍ നായര്‍ (വൈസ് ക്യാപ്റ്റന്‍), അഭിനവ് മുകുന്ദ്, അങ്കുഷ് ബൈന്‍സ്, ശ്രേയസ് അയ്യര്‍, ബാബ അപരാജിത്, വിജയ് ശങ്കര്‍, ജയന്ത് യാദവ്, അക്ഷര്‍ പട്ടേല്‍, കരണ്‍ ശര്‍മ, അഭിമന്യു മിഥുന്‍, ശ്രദുല്‍ താക്കുര്‍, ഈശ്വര്‍ പാണ്ഡെ, ഷെല്‍ഡന്‍ ജാക്‌സണ്‍, ജിവന്‍ ജോത് സിംഗ്.

ദക്ഷിണാഫിക്ക ടീം അംഗങ്ങള്‍: ഡേന്‍ വിലസ് (ക്യാപ്റ്റന്‍), ക്വിന്റണ്‍ ഡികോക്ക്, ടെമ്പ ബവുമ, ഗിഹാന്‍ ക്ലോട്ട്, തെയൂനിസ് ബ്രൂയന്‍, മര്‍ച്ചന്റ് ഡെ ലാങ്, ബ്യൂറന്‍ ഹെന്‍ഡ്രിക്, റീസ ഹെന്‍ഡ്രിക്, കേശവ് മഹാരാജ്, ഡേന്‍ പീറ്റര്‍സണ്‍, ഡേന്‍ പിഡ്റ്റ്, ഓംഫില്‍ രമേല, ലൊന്‍വാബൊ സോട്‌സോബെ, സ്റ്റിയാന്‍ വാന്‍ സൈല്‍, ഹര്‍ദൂസ് വില്‍ജിയോണ്‍ ഡേവിഡ് വൈസ്.