1. കായികം
  2. ക്രിക്കറ്റ്‌
  3. ക്രിക്കറ്റ്‌ വാര്‍ത്ത
  4. England super star likely to comeback in odi cricket

വിളി വന്നാൽ ഏകദിനത്തിൽ മടങ്ങിയെത്തും, അപ്രതീക്ഷിത പ്രഖ്യാപനം നടത്തി സൂപ്പർ താരം

England
ഇംഗ്ലണ്ട് ടെസ്റ്റ് ക്യാപ്റ്റനായ ബെന്‍ സ്റ്റോക്‌സ് ഏകദിന ടീമിലേക്ക് തിരിച്ചെത്താന്‍ ഒരുങ്ങുന്നു. 2022ല്‍ വിരമിക്കല്‍ പ്രഖ്യാപനം നടത്തിയ താരമാണ് പുതിയ പരിശീലകനായ ബ്രണ്ടന്‍ മക്കല്ലം വിളിക്കുകയാണെങ്കില്‍ ഇംഗ്ലണ്ടിന്റെ ഏകദിന ടീമില്‍ തിരിച്ചെത്തുമെന്ന് അറിയിച്ചത്.
 
 ഇംഗ്ലണ്ട് ഏകദിന ടീം ഇപ്പോള്‍ പുതിയ പാതയിലാണ്. കഴിവുള്ള ഒരുപിടി യുവതാരങ്ങള്‍ ടീമിലുണ്ട്. ഇംഗ്ലണ്ടിന്റെ ഈ മാറിയ ടീമിനൊപ്പം ചേരാനായാല്‍ അതൊരു ഭാഗ്യമായിരിക്കും. 2022ല്‍ ക്രിക്കറ്റിലെ 3 ഫോര്‍മാറ്റും ഒരുപോലെ കളിക്കാനാകില്ലെന്ന തീരുമാനത്തിലാണ് സ്റ്റോക്‌സ് ഏകദിന ക്രിക്കറ്റില്‍ നിന്നും വിരമിച്ചത്. കഴിഞ്ഞ ഏകദിന ലോകകപ്പിന് മുന്‍പായി ഇംഗ്ലണ്ട് ടീം തിരിച്ചുവിളിച്ചെങ്കിലും ഇന്ത്യയില്‍ നടന്ന ലോകകപ്പില്‍ ഇംഗ്ലണ്ടിന്റെ പ്രകടനം ദയനീയമായിരുന്നു.
 
 വെസ്റ്റിന്‍ഡീസിനെതിരെ ഒക്ടോബര്‍ 31 മുതലാണ് ഇംഗ്ലണ്ടിന്റെ അടുത്ത ഏകദിന പരമ്പര ആരംഭിക്കുന്നത്. പിന്നീട് അടുത്ത വര്‍ഷം ആദ്യം ഇന്ത്യക്കെതിരെയും ഇംഗ്ലണ്ടിന് മത്സരങ്ങളുണ്ട്. അടുത്ത വര്‍ഷം നടക്കാനിരിക്കുന്ന ചാമ്പ്യന്‍സ് ട്രോഫി ലക്ഷ്യമിട്ട് സ്റ്റോക്‌സിനെ ഏകദിന ക്രിക്കറ്റിലേക്ക് തിരിച്ചെത്തിക്കാന്‍ ഇംഗ്ലണ്ട് ക്രിക്കറ്റ് ബോര്‍ഡ് ആലോചിക്കുന്നതായാണ് റിപ്പോര്‍ട്ടുകള്‍.
അടുത്ത ലേഖനം
അവനൊരു ഓസ്ട്രേലിയക്കാരനായിരുന്നുവെന്ന് ആഗ്രഹിച്ചിട്ടുണ്ട്, ഇന്ത്യൻ താരത്തെ പറ്റി ഓസീസ് നായകൻ