ഇന്ത്യ അഞ്ചുലക്ഷം ഡോസ് കൊവിഷീല്‍ഡ് വാക്‌സിന്‍ കൂടി ശ്രീലങ്കയ്ക്ക് നല്‍കി. കഴിഞ്ഞ ദിവസമാണ് രണ്ടാം ഘട്ട വാക്‌സിന്‍ ശ്രീലങ്ക സ്വീകരിച്ചത്. ശ്രീലങ്കയിലെ ഇന്ത്യന്‍ ഹൈക്കമാന്‍ഡാണ് ഇക്കാര്യം അറിയിച്ച് ട്വീറ്റ് ചെയ്തത്. ശ്രീലങ്കന്‍ ആരോഗ്യ മന്ത്രി ചന്ന ജയസുമന വ്യാഴാഴ്ച വാക്‌സിന്‍ വന്നതായും അറിയിച്ചിട്ടുണ്ട്. കഴിഞ്ഞമാസം അഞ്ചുലക്ഷം ഡോസ് സിറം ഇന്‍സ്റ്റിറ്റ്യൂട്ടിന്റെ കൊവിഡ് വാക്‌സിന്‍ ഇന്ത്യ ശ്രീലങ്കയ്ക്ക് നല്‍കിയിരുന്നു.