ന്യൂഡല്‍ഹി|
Last Modified ചൊവ്വ, 24 ജനുവരി 2017 (19:53 IST)
ഇന്ത്യന്‍ ഇന്‍സ്റ്റിട്യൂട്ട് ഓഫ് മാനേജുമെന്‍റുകളില്‍ ഇനി എം ബി എ. ചട്ടങ്ങളില്‍ ഭേദഗതി വരുത്തിക്കൊണ്ട് ഇതുസംബന്ധിച്ച പുതിയ ബില്ലിന് കേന്ദ്രസര്‍ക്കാര്‍ അംഗീകാരം നല്‍കി. ഐ‌ഐ‌എമ്മുകള്‍ക്ക് സ്റ്റാട്യൂട്ടറി പദവി നല്‍കുന്ന ബില്ലിനാണ് അംഗീകാരം ലഭിച്ചിരിക്കുന്നത്.
ഇപ്പോഴുള്ള പിജിഡിബിഎം കോഴ്സിന് പകരം
എംബിഎ ഡിഗ്രി നല്‍കാന്‍ കഴിയുന്ന രീതിയിലാണ് ചട്ടങ്ങളില്‍ ഭേദഗതി വരുത്തിയിരിക്കുന്നത്. പാര്‍ലമെന്‍റിന്‍റെ ബജറ്റ്സമ്മേളനത്തില്‍ മാനവവിഭവശേഷി വകുപ്പ്ഈ ബില്‍ അവതരിപ്പിക്കും.
ചട്ടങ്ങള്‍ക്ക് അനുസൃതമായല്ല പ്രവര്‍ത്തിക്കുന്നതെങ്കില്‍ ഐ ഐ എം ഡയറക്‌ടര്‍ക്കെതിരെ ഹൈക്കോടതി ജഡ്ജിയുടെ റാങ്കില്‍ കുറയാത്ത വ്യക്തിയെക്കാണ്ട് അന്വേഷണം നടത്താനുള്ള അനുമതി ഗവേണിംഗ് ബോര്‍ഡിന് നല്‍കിക്കൊണ്ടുള്ള വകുപ്പും പുതിയ ബില്ലിലുണ്ട്. നിലവില്‍ 20 ഐ ഐ എമ്മുകളാണ്രാജ്യത്തുള്ളത്.
