അമേരിക്കൻ ഉപരോധം തിരുപ്പൂരിന് ഭീഷണി,വസ്ത്ര കയറ്റുമതിയിൽ 3,000 കോടിയുടെ കുറവുണ്ടായേക്കും
2024-25 സാമ്പത്തിക വര്ഷം തിരുപ്പൂരില് നിന്നും 44,747 കോടി രൂപയുടെ വസ്ത്ര കയറ്റുമതിയാണ് നടന്നത്.
AI Generated
2024-25 സാമ്പത്തിക വര്ഷം തിരുപ്പൂരില് നിന്നും 44,747 കോടി രൂപയുടെ വസ്ത്ര കയറ്റുമതിയാണ് നടന്നത്. 2023-34ല് ഇത് 33,400 കോടിയായിരുന്നു. കഴിഞ്ഞ 10 വര്ഷത്തിനിടെ ശരാശരി 33,000 കോടി മുതല് 37,000 കോടി വരെയായിരുന്ന കയറ്റുമതിയാണ് കഴിഞ്ഞ സാമ്പത്തിക വര്ഷം 44,747 കോടിയിലെത്തിയത്. വരും വര്ഷങ്ങളിലും വളര്ച്ചയുണ്ടാകുമെന്ന് കരുതിയിരിക്കുന്ന ഘട്ടത്തിലാണ് അമേരിക്കയുടെ തീരുവ വര്ധന.
നിലവില് തിരുപ്പൂരില് നിന്നുള്ള വസ്ത്ര കയറ്റുമതിയില് 35 ശതമാനവും അമേരിക്കയിലേക്കാണ്. പിഴചുങ്കം ഏര്പ്പെടുത്തിയത് വഴി കനത്ത നഷ്ടമാകും വരും ദിവസങ്ങളില് വ്യാപാരികള്ക്കുണ്ടാവുക. ഇന്ത്യയ്ക്ക് പകരം ബംഗ്ലാദേശ്, വിയറ്റ്നാം, കംബോഡിയ എന്നീ രാജ്യങ്ങളെയാകും ഇനി അമേരിക്ക കൂടുതല് പരിഗണിക്കുക. അതേസമയം അടുത്തിടെ ഒപ്പുവെച്ച ഇന്ത്യ- യുകെ സ്വതന്ത്ര വ്യാപാര കരാറാണ് ഒരല്പമെങ്കിലും ആശ്വാസം നല്കുന്നത്. യുകെയിലേക്കും മറ്റ് യൂറോപ്യന് രാജ്യങ്ങളിലേക്കും വിപണി വ്യാപിപ്പിക്കാന് സാധിച്ചാല് അമേരിക്കന് തീരുവ സൃഷ്ടിക്കുന്ന ആഘാതം മറികടക്കാനാകുമെന്ന പ്രതീക്ഷയിലാണ് വ്യാപാരികള്.
