തനിക്കെതിരെ ഓണ്‍ലൈന്‍ അധിക്ഷേപം നടത്തിയവര്‍ക്കെതിരെ നടി കാവ്യ മാധ്യവന്‍ പൊലീസില്‍ പരാതി നല്‍കി. എറണാകുളം റേഞ്ച് ഐജിക്കാണ് കാവ്യ പരാതി നൽകിയത്. വ്യവസായത്തേയും വ്യക്തി ജീവിതത്തേയും ഒരുപോലെ തകര്‍ക്കുന്ന തരത്തിലാണ് തനിക്കെതിരെ ആളുകള്‍ അധിക്ഷേപം നടത്തിയതെന്ന് കാവ്യ നല്‍കിയ പരാതിയില്‍ പറയുന്നു.

ദിലീപ്-കാവ്യ വിവാഹത്തിനുശേഷം ഫേസ്‌ബുക്ക് അടക്കമുളള സമൂഹ മാധ്യമങ്ങളില്‍ നിറഞ്ഞ അപകീര്‍ത്തികരവും അശ്ലീലചുവയുളളതുമായ പോസ്റ്റുകള്‍ക്കും ട്രോളുകള്‍ക്കും എതിരെയാണ് പരാതി. കൂടാതെ തന്റെ ഓൺലൈൻ പോർട്ടലായ ലക്ഷ്യയിലും അധിക്ഷേപിക്കുന്ന തരത്തിലുള്ള കമന്റുകൾ ഇടുന്നതായും പരാതിയിൽ പറയുന്നു. ഇത്തരത്തിൽ അധിക്ഷേപിച്ചവരുടെ പേരുവിവരങ്ങളും കാവ്യ പരാതിയിൽ ഉൾപ്പെടുത്തിയിട്ടുണ്ട്.