അനുബന്ധ വാര്ത്തകള്
- തെങ്ങിൻ തൈയും വിത്തുകളും നൽകാമെന്ന് വിശ്വസിപ്പിച്ചു 1.20 കോടി തട്ടിയ 46 കാരൻ പിടിയിൽ
- മനുഷ്യാവയവം എന്ന് കബളിപ്പിച്ചു ദുര്മന്ത്രവാദത്തിലൂടെ രണ്ടരലക്ഷം രൂപ തട്ടിയെടുത്ത സംഘം പിടിയിൽ
- മുക്കുപണ്ടം പണയം വച്ച് ലക്ഷങ്ങൾ തട്ടിയ യുവതി പിടിയിൽ
- ലക്ഷങ്ങളുടെ നിക്ഷേപത്തട്ടിപ്പ്: സ്ഥാപന ഉടമ അറസ്റ്റില്
- പോസ്റ്റ് ഓഫീസ് നിക്ഷേപ തട്ടിപ്പ്: വനിതാ ഏജന്റിന് 18 വർഷ തടവ്
വിവാഹ വാഗ്ദാനം നൽകി സ്വർണ്ണവും പണവും തട്ടുന്ന വിരുതൻ പിടിയിൽ
പത്തനംതിട്ട : വിവാഹ വാഗ്ദാനം നൽകി സ്ത്രീകളെ നയത്തിൽ വശീകരിച്ചു സ്വർണ്ണവും പണവും മറ്റു വസ്തുവകകളും തട്ടിയെടുക്കുന്ന വിരുതൻ പോലീസ് പിടിയിലായി. റാന്നി സ്വദേശി സെബാസ്റ്റിയൻ ആണ് ചെങ്ങന്നൂർ പോലീസിന്റെ പിടിയിലായത്.
പത്രത്തിൽ വിവാഹ പരസ്യം നൽകിയ ശേഷം സ്ത്രീകളുമായി സൗഹൃദം സ്ഥാപിക്കും. സർക്കാർ ഉദ്യോഗസ്ഥൻ എന്ന് പറഞ്ഞാവും ഇയാൾ പരിചയപ്പെടുന്നതും. അടുപ്പം കൂടുന്നതോടെ വിവാഹം കഴിക്കാം എന്ന് പറഞ്ഞു വിശ്വസിപ്പിക്കുകയും ചെയ്യും.
ഇത്തരത്തിൽ ഒരു സ്ത്രീയെ വിശ്വസിപ്പിച്ചു പലതവണയായി അവരിൽ നിന്ന് അഞ്ചു ലക്ഷം രൂപ വാങ്ങി. ഇതിനൊപ്പം യുവതി വീട്ടിൽ വളർത്തിയിരുന്ന പതിനൊന്നു ആട്ടിൻകുട്ടികളെയും തട്ടിയെടുത്തു. എന്നാൽ ഇയാൾ മുങ്ങി എന്ന് കണ്ടതോടെയാണ് യുവതി പോലീസിനെ സമീപിച്ചതും പരാതി നൽകിയതും.
ഒരു മാസത്തെ വിശദമായ അന്വേഷണത്തിൽ ഇയാളെ റാന്നി ബസ് സ്റ്റേഷനിൽ വച്ചാണ് പോലീസ് പിടികൂടിയത്. നിരവധി സ്ത്രീകളെ ഇയാൾ സമാന രീതിയിൽ കബളിപ്പിച്ചതായാണ് പോലീസ് പറയുന്നത്. സാധാരണയായി ഇത്തരത്തിൽ തട്ടടിപ്പിന് ഇരയാവുന്നവർ പരാതി നൽകില്ല എന്ന വിശ്വാസത്തിലാണ് ഇയാളുടെ കബളിപ്പിക്കൽ തുടരുന്നത്. അറസ്റ്റിലായ പ്രതിയെ കോടതി റിമാൻഡ് ചെയ്തു.
