1. വാര്‍ത്താലോകം
  2. വാര്‍ത്ത
  3. വിദേശവാര്‍ത്ത
  4. Trump alleges Pfizer withheld its announcement

വാക്‌സിൻ ഫലപ്രദമാണെന്ന പ്രഖ്യാപനം വൈകിപ്പിച്ചു, എല്ലാം തന്നെ തോൽപ്പിക്കാൻ: ഡൊണാൾഡ് ട്രംപ്

ഫൈസർ
ഫൈസറിന്റെ കൊവിഡ് പ്രതിരോധ വാക്‌സിൻ 90 ശതമാനവും വിജയകരമാണെന്ന പ്രഖ്യാപനം തന്റെ വിജയം തടയുന്നതിനായി വൈകിപ്പിച്ചെന്ന് ഡൊണാൾഡ് ട്രംപ്. ഫുഡ് ആൻഡ് ഡ്രഗ് അഡ്മിനിസ്‌ട്രേഷനും ഫൈസറും തമ്മിൽ ഒത്തുക്കളി നടന്നുവെന്നും ട്രംപ് പറഞ്ഞു.
 
ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷനും ഡെമോക്രാറ്റുകളും തനിക്ക് ഒരു 'വാക്‌സിന്‍ വിജയം'ലഭിക്കുന്നത് ആഗ്രഹിച്ചിരുന്നില്ലെന്ന് ട്രംപ് പറയുന്നു. അതിനാൽ തന്നെ തിരഞ്ഞെടുപ്പിന് മുൻപ് വരേണ്ടിയിരുന്ന പ്രഖ്യാപനം തിരഞെടുപ്പ് കഴിഞ്ഞ് അഞ്ച് നാൾ വരെ വൈകിപ്പിച്ചു. ട്രംപ് ട്വീറ്റ് ചെയ്തു. അമേരിക്കൻ മരുന്നുകമ്പനിയായ ഫൈസറിന്റെ വാക്‌സിൻ 90 ശതമാനം പേരിലും ഫലപ്രദമാണെന്ന് കഴിഞ്ഞ ദിവസമാണ് കമ്പനി അധികൃതര്‍ പ്രഖ്യാപിച്ചത്.
 
വാക്‌സിന്റെ രണ്ടാമത്തെ ഡോസ് നല്‍കി ഏഴുദിവസത്തിനുള്ളിലും ആദ്യ ഡോസിനുശേഷം 28 ദിവസത്തിനുള്ളിലും രോഗികളില്‍ സുരക്ഷ ഉറപ്പാക്കാനായെന്നും ഫൈസർ വ്യക്തമാക്കിയിരുന്നു.
അടുത്ത ലേഖനം
കെടി ജലീലിന്റെ പിഎച്ച്ഡിയില്‍ അക്ഷരത്തെറ്റും പകര്‍ത്തിയ ഉദ്ധരണികളും: പരാതിയെ തുടര്‍ന്ന് നടപടിക്ക് ഗവര്‍ണര്‍ നിര്‍ദേശം നല്‍കി