1. വാര്‍ത്താലോകം
  2. വാര്‍ത്ത
  3. വിദേശവാര്‍ത്ത
  4. Former Bangladesh general Against India

പാക്കിസ്ഥാനെ ആക്രമിച്ചാല്‍ ഇന്ത്യയുടെ വടക്കുകിഴക്കന്‍ സംസ്ഥാനങ്ങളെ പിടിച്ചെടുക്കണമെന്ന് ബംഗ്ലാദേശ് മുന്‍ ജനറല്‍

ഇന്ത്യയുടെ ഏഴ് വടക്ക് കിഴക്കന്‍ സംസ്ഥാനങ്ങളെയും പിടിച്ചടക്കണമെന്നാണ് ഫസിലൂര്‍ റഹ്മാന്‍ പറഞ്ഞത്.

Former Bangladesh General
പാക്കിസ്ഥാനെ ആക്രമിച്ചാല്‍ ഇന്ത്യയുടെ വടക്കുകിഴക്കന്‍ സംസ്ഥാനങ്ങളെ പിടിച്ചെടുക്കണമെന്ന് ബംഗ്ലാദേശ് മുന്‍ ജനറല്‍ എഎല്‍എം ഫസലൂര്‍ റഹ്മാന്‍. ഇന്ത്യയുടെ ഏഴ് വടക്ക് കിഴക്കന്‍ സംസ്ഥാനങ്ങളെയും പിടിച്ചടക്കണമെന്നാണ് ഫസിലൂര്‍ റഹ്മാന്‍ പറഞ്ഞത്. ഇതിനായി ചൈനയുടെ സഹായം തേടണമെന്നും നാഷണല്‍ ഇന്‍ഡിപെന്‍ഡന്‍സ് കമ്മീഷന്റെ ചെയര്‍പേഴ്‌സണ്‍ കൂടിയായ റഹ്മാന്‍ ആവശ്യപ്പെട്ടു.
 
പഹല്‍ഗാം ഭീകരാക്രമണത്തിന് മറുപടിയായി ഇന്ത്യ പാകിസ്ഥാന്‍ ആക്രമിക്കുകയാണെങ്കില്‍ വടക്കുകിഴക്കന്‍ മേഖലയിലെ ഏഴ് സംസ്ഥാനങ്ങള്‍ പിടിച്ചെടുക്കേണ്ടി വരും. ഇതിനായി ചൈനയുമായി സംയുക്ത സൈനിക ക്രമീകരണങ്ങളെ കുറിച്ച് ചര്‍ച്ചകള്‍ ആരംഭിക്കേണ്ടത് ആവശ്യമാണെന്ന് തനിക്ക് തോന്നുന്നുവെന്ന് ഇയാള്‍ ഫേസ്ബുക്കില്‍ കുറിച്ചു. ഇന്ത്യയും ബംഗ്ലാദേശും തമ്മിലുള്ള ഉഭയകക്ഷി ബന്ധം നേരത്തേ വഷളായിരുന്നു. ഇരുരാജ്യങ്ങളും ബന്ധം മെച്ചപ്പെടുത്താന്‍ ശ്രമിക്കുന്നതിനിടയിലാണ് റഹ്മാന്റെ വിവാദ പരാമര്‍ശം.
 
അതേസമയം പഹല്‍ഗാം ഭീകരാക്രമണത്തില്‍ ഭീകരരെ സഹായിക്കുന്നവര്‍ക്കെതിരെ നടപടി കടുപ്പിച്ച് കശ്മീര്‍ പോലീസ്. 2800 പേരെ കസ്റ്റഡിയിലെടുത്തു. കാശ്മീര്‍ ഐജി വികെ ബിര്‍ദി ആണ് ഇക്കാര്യം അറിയിച്ചത്. ഇതില്‍ 90 പേര്‍ക്കെതിരെ പിഎസ്എ നിയമപ്രകാരം കേസെടുത്തിട്ടുണ്ട്. കൂടാതെ ഭീകരര്‍ക്കായി തിരച്ചില്‍ ശക്തമാക്കിയിട്ടുണ്ട്. ജനങ്ങളുമായി പരമാവധി സഹകരിച്ചാണ് നടപടികളെന്നും സംസ്ഥാനം വ്യാപകമായി തിരച്ചില്‍ നടത്തുകയാണെന്നും ഐജി അറിയിച്ചു.
 
അതേസമയം കരസേന അടിയന്തര സാഹചര്യം നേരിടാനുള്ള മോക് ഡ്രില്‍ നടത്തി. പഞ്ചാബിലെ ഫിറോസ് പൂരിലാണ് ലൈറ്റുകള്‍ അണച്ച് മോക് ഡ്രില്‍ നടത്തിയത്. നിലവിലെ സാഹചര്യങ്ങള്‍ വിലയിരുത്താന്‍ ഐക്യരാഷ്ട്രസഭ രക്ഷാ സമിതി യോഗം ചേരണമെന്ന് പാകിസ്ഥാന്‍ ആവശ്യപ്പെട്ടിട്ടുണ്ട്.
അടുത്ത ലേഖനം
പഹല്‍ഗാം ഭീകരാക്രമണത്തില്‍ ഭീകരരെ സഹായിക്കുന്നവര്‍ക്കെതിരെ നടപടി കടുപ്പിച്ച് കശ്മീര്‍ പോലീസ്; 2800 പേരെ കസ്റ്റഡിയിലെടുത്തു