രാജസ്ഥാനും വേണം ഒരു ഇന്ത്യൻ ക്യാപ്റ്റൻ, സഞ്ജുവിനെ നായകനായി പരിഗണിക്കണമെന്ന് മുൻ ഇന്ത്യൻ താരം
വരാനിരിക്കുന്ന ഐപിഎൽ താരലേലത്തിൽ രാജസ്ഥാനിൽ ഭീമമായ തുക നൽകി നിലനിർത്തേണ്ട ഇന്ത്യൻ താരവുമില്ലെന്ന് കഴിഞ്ഞ ദിവസം മുൻ ഇന്ത്യൻ താരമായ ആകാശ് ചോപ്ര അഭിപ്രായപ്പെട്ടിരുന്നു. മൂന്ന് വിദേശതാരങ്ങളെ നിലനിർത്താനാകുമെങ്കിൽ ജോഫ്ര ആർച്ചർ,ബെൻ സ്റ്റോക്സ്,ജോസ് ബട്ട്ലർ എന്നിവരെ രാജസ്ഥാൻ നിലനിർത്തണമെന്നും നായകനായി ഒരു ഇന്ത്യൻ താരത്തെ കൊണ്ടുവരണമെന്നും ചോപ്ര അഭിപ്രായപ്പെട്ടിരുന്നു.
ഇപ്പോളിതാ രാജസ്ഥാൻ നായക സ്ഥാനത്തേക്ക് ഇന്ത്യൻ താരത്തെ പരിഗണിക്കുകയാണെകിൽ സഞ്ജുവിനെ നായകനാക്കാൻ ശ്രമിക്കണമെന്ന് കൂടി ആവശ്യപ്പെട്ടിരിക്കുകയാണ് ആകാശ് ചോപ്ര. സ്റ്റീവ് സ്മിത്ത് മികച്ച നായകനാണെങ്കിലും രാജസ്ഥാന് യോജിച്ച വ്യക്തിയല്ലെന്നും സഞ്ജു സാംസണിനെ പകരം പരിഗണിക്കണമെന്നുമാണ് ആകാശ് ചോപ്ര പറയുന്നത്.
