വീട്ടില്‍ വടക്ക് ദര്‍ശനമായി കണ്ണാടികള്‍ വയ്ക്കരുത്

ശനി, 1 സെപ്‌റ്റംബര്‍ 2018 (17:37 IST)

വാസ്തു, Vastu

വീട്, ഓഫീസ് തുടങ്ങിയവ വാസ്തു ശാസ്ത്രത്തില്‍ അധിഷ്ഠിതമായാണ് നിര്‍മ്മിച്ചിരിക്കുന്നതെങ്കില്‍ അത് ധനസ്ഥിതി മെച്ചമാക്കാന്‍ സഹായിക്കും. വാസ്തു ശാസ്ത്രം പരിഗണിക്കാതെയാണ് നിര്‍മ്മിതി നടത്തിയിരിക്കുന്നതെങ്കില്‍ മറ്റ് പല വിപരീത ഫലങ്ങള്‍ക്കൊപ്പം ദാരിദ്ര്യ ദു:ഖവും അനുഭവിക്കേണ്ടി വരുമെന്ന് വിദഗ്ധര്‍ മുന്നറിയിപ്പു നല്‍കുന്നു.
 
വടക്കു ഭാഗമാണ് ധനത്തിന്‍റെ അധിപനായ കുബേരന്‍റെ ദിക്ക്. ഏതെങ്കിലും വീടിന്‍റെയോ ഓഫീസിന്‍റെയോ വടക്ക് ഭാഗം അടച്ച് മൂടിയ നിലയിലാണെങ്കില്‍ അവിടെ സാമ്പത്തിക പ്രശ്നങ്ങള്‍ നിത്യസംഭവമായേക്കാം. ഈ അവസരത്തില്‍, വാസ്തു വിദഗ്ധരുടെ നിര്‍ദ്ദേശാനുസരണം ഇവിടെ വാതിലുകളോ ജനാലകളോ നിര്‍മ്മിക്കുന്നത് പ്രശ്നത്തിന് പരിഹാരമാവും.
 
തെക്ക് വശത്ത് കുഴികളോ കുഴല്‍ കിണറോ ഉണ്ടങ്കിലും അത് സമ്പത്തിനെ പ്രതികൂലമായി ബാധിക്കും. തെക്ക് ഭാഗത്ത് ഭൌമാന്തര്‍ ഭാഗത്ത് ടാങ്കുകള്‍ നിര്‍മ്മിക്കുന്നതും ആശാസ്യമല്ല.
 
വീട്ടിലോ ഓഫീസിലോ വടക്ക് ദര്‍ശനമായി കണ്ണാടികള്‍ വയ്ക്കുന്നതും സമ്പത്തിനെ വികര്‍ഷിക്കും. അതായത്, വടക്ക് ഭാഗത്തു നിന്നുള്ള ആരോഗ്യകരമായ ഊര്‍ജ്ജത്തെ കണ്ണാടി വെളിയിലേക്ക് തന്നെ പ്രതിഫലിപ്പിക്കും. അതിനാല്‍, വീടുകളിലായാലും ഓഫീസുകളിലായാലും കണ്ണാടികള്‍ സ്ഥാപിക്കുമ്പോള്‍ ശ്രദ്ധിക്കണമെന്ന് വാസ്തു വിദഗ്ധര്‍ പറയുന്നു.
 
വിലപിടിപ്പുള്ളതും അമൂല്യങ്ങളുമായതുമായ ആഭരണങ്ങളും പണവും സൂക്ഷിക്കുന്ന അലമാരിയോ സേഫോ വടക്കോട്ട് അഭിമുഖമായി വേണം വയ്ക്കാന്‍. വാതിലിന് അഭിമുഖമായി നിന്ന് നോക്കുന്ന സ്ഥിതിയില്‍‍, മുറികളുടെ പിന്നില്‍ ഇടത്തെ മൂലയെ സമ്പത്തിന്‍റെ സ്ഥലമായാണ് കണക്കാക്കുന്നത്. ഇവിടം വൃത്തിയുള്ളതായി സൂക്ഷിക്കുന്നത് സമ്പത്തിനെ ആകര്‍ഷിക്കുമെന്ന് വാസ്തു വിദഗ്ധര്‍ അഭിപ്രായപ്പെടുന്നു.



ഇതിനെക്കുറിച്ച് കൂടുതല്‍ വായിക്കുക :  

ജ്യോതിഷം

news

നിങ്ങളുടേത് ഉത്രട്ടാതി നക്ഷത്രമാണോ? എങ്കിൽ കുടുംബജീവിതം സുഖപ്രദമാകും

നക്ഷത്രങ്ങളിൽ 26ആമത്തെ നക്ഷത്രമാണ് ഉത്രട്ടാതി. ഉത്രട്ടാതി നക്ഷത്രത്തിൽ ജനിക്കുന്നവൻ ...

news

അഷ്ടമിരോഹിണി ദിനത്തിൽ ജനിച്ചാൽ ഫലമെന്ത് ?

അഷ്ടമിരോഹിണി നാളിൽ കുട്ടികൾ ജനിക്കുന്നത് ഐശ്വര്യ പൂർണമാണെന്നും ഈ കുട്ടികൾ ജീവിതത്തിൽ വലിയ ...

news

മംഗല്യസിദ്ധിക്ക് വെള്ളിയാഴ്‌ച വ്രതമെടുക്കാം!

എല്ലാ കാര്യങ്ങളും മംഗളമായി ഭവിക്കാൻ പലതരത്തിലുള്ള വ്രതവും ഉണ്ട്. ശുദ്ധിയോടെ വ്രതം നോറ്റാൽ ...

news

ഭാവി അറിയാന്‍ ശ്രമിക്കുന്നതില്‍ തെറ്റുണ്ടോ ?

ജീവിതത്തില്‍ സംഭവിക്കാനിരിക്കുന്ന കാര്യങ്ങള്‍ മുന്‍‌കൂട്ടി അറിയുന്നതിന് താല്‍പ്പര്യം ...

Widgets Magazine