Daily Horoscope
✕

സെപ്‌തംബർ അഞ്ച്, അധ്യാപക ദിനം; കൈകോർക്കാം നല്ലൊരു നാളേക്കായ്!

സെപ്‌തംബർ അഞ്ച്, അധ്യാപക ദിനം; കൈകോർക്കാം നല്ലൊരു നാളേക്കായ്!

Written By Rijisha M.
Updated: വെള്ളി, 31 ഓഗസ്റ്റ് 2018 (17:18 IST)
സെപ്‌തംബർ - അഞ്ച്, അധ്യാപക ദിനം. അധ്യാപകനും ഇന്ത്യയുടെ രാഷ്ട്രപതിയും ലോകോത്തര തത്വചിന്തകനുമായിരുന്ന ഡോ.സർവേപള്ളി രാധാകൃഷ്ണന്‍റെ പിറന്നാള്‍ ദിനമാണ് അധ്യാപക ദിനമായി ആചരിക്കുന്നത്. കുട്ടികളുടെ വിദ്യാഭ്യാസം, പരിശീലനം, വലിയൊരു അളവു വരെ അവരെ വളര്‍ത്തിക്കൊണ്ടുവരല്‍ എന്നിവ അധ്യാപകരുടെ ചുമതലയാണ്. പുതിയൊരു തലമുറയെ വാർത്തിയെടുക്കുക എന്നതാണ് ഇവരുടെ പ്രധാന ലക്ഷ്യം. അതിൽ ഇവയെല്ലാം ഉൾപ്പെടുകയും ചെയ്യുന്നു.
 
അറിവിനെ അടിസ്ഥാനമാക്കിയുള്ള സാമൂഹിക ഘടനയിലേക്ക് ലോകം നീങ്ങുമ്പോൾ‍, അധ്യാപകരുടെ പ്രസക്തിയും പ്രാധാന്യവും വര്‍ദ്ധിക്കുകയാണ്. പക്ഷെ അധ്യാപകരുടെ പൊതുവേയുള്ള സ്ഥിതി ആശാവഹമല്ല. മിക്കയിടത്തും അധ്യാപകര്‍ക്ക് നല്ല ശമ്പളം കിട്ടുന്നില്ല. അതുകൊണ്ട് മികച്ചയാളുകള്‍ അധ്യാപകവൃത്തിയില്‍ എത്തുന്നില്ല. 
 
ലോകത്തിലെ അധ്യാപകരുടെ മൂന്നിലൊരു ഭാഗത്തോളം പ്രത്യേക അധ്യാപന പരിശീലനം ലഭിക്കാത്തവരും ആണ്. മറ്റൊരു കൂട്ടം പേര്‍ക്ക് വേണ്ടത്ര വിദഗ്ധ പരിശീലനം ലഭിച്ചിട്ടില്ല. ചിലരാകട്ടെ താല്‍‌പര്യമില്ലാതെ പഠിപ്പിക്കുന്നവരാണുതാനും. ഇന്നത്തെക്കാലത്ത് പ്രത്യേക കോഴ്‌സുകളും മറ്റും ഇതിനായി തന്നെയുണ്ട്. മുതിർന്ന കുട്ടികളെ പഠിപ്പിക്കാനായി പ്രത്യേക കോഴ്‌സും ചെറിയ കുട്ടികളെ പഠിപ്പിക്കാൻനായി പ്രത്യേക കോഴ്‌സും ഉണ്ട്.
 
അതുകൊണ്ടുതന്നെ അധ്യാപനത്തിന് യോഗ്യരല്ലാത്തവര്‍ പഠിപ്പിക്കുന്ന അവസ്ഥ മാറണം എന്നതാണ് ഈ അധ്യാപകദിനം ഓര്‍മ്മിപ്പിക്കുന്ന ആവശ്യം. കുട്ടികളുടെ നല്ല ഭാവിക്കായി അവർക്ക് കൂടുതൽ അറിവ് നേടുന്നതിനായി തന്നെ ഇത് പിന്തുടരേണ്ടതും അത്യാവശ്യമാണ്.
 
അധ്യാപകര്‍ മാതൃകാ വ്യക്തികളായിരിക്കണമെന്ന് ഡോ. എസ് രാധാകൃഷ്‌ണൻ അഭിപ്രായപ്പെടുന്നത്. ഒരു വിദ്യാര്‍ത്ഥി ശരാശരി 25,000 മണിക്കൂര്‍ വിദ്യാഭ്യാസ സ്ഥാപനങ്ങളില്‍ ചെലവിടുന്നു. അതുകൊണ്ട് പഠിപ്പിക്കാന്‍ കഴിവുള്ളവരും അധ്യാപനം ഇഷ്ടപ്പെടുന്നവരും മികച്ച പരിശീലനം നേടിയവരും സദാചാരബോധം വളര്‍ത്തുകയും ചെയ്യുന്നവരാണ് സ്കൂളുകളില്‍ അധ്യാപകരായി വരേണ്ടത് എന്നും അദ്ദേഹം അഭിപ്രായപ്പെടുന്നു.

'ശ്രമിച്ചത് വൻ കൊള്ളയ്ക്ക്'; സതീശനെതിരെ ജുഡീഷ്യൽ അന്വേഷണമോ? ആഞ്ഞടിച്ച് പിണറായി വിജയൻ

പ്രായപൂർത്തിയാകാത്തവർ ഡ്രൈവ് ചെയ്താൽ രക്ഷിതാക്കൾക്കെതിരെ കർശന നടപടി, ബസുകളുടെ സമയക്രമം മാറ്റുന്നതും പരിഗണനയിൽ - ഗതാഗതമന്ത്രി

ഇന്ത്യ മൊത്തം അലഞ്ഞാലും സായിയെ പോലെ ഒരു സീതയെ കണ്ടെത്താനാവില്ല, വിമർശനങ്ങളിൽ പിന്തുണയുമായി ധനുഷ്

ഇറാനുമായുള്ള യുദ്ധം സൈനികമായി അവസാനിച്ചുവെന്ന് ട്രംപ്, കരാർ സാധ്യത തുറക്കുന്നോ?

ഇസ്രായേലിൽ വോട്ടെണ്ണൽ പൂർത്തിയായി, നെതന്യാഹു പുറത്തേക്ക്: ഐസൻകോട്ട് - അറബ് പാർട്ടി സഖ്യത്തിന് സാധ്യത

എല്ലാം കാണുക

ശ്രീകണ്ഠൻ നായരെ വെല്ലുവിളിച്ച് അസിത; കമന്റ് ബോക്‌സ് പൂട്ടിവെച്ച് 'ട്വന്റിഫോർ'

ശബരിമലയെ തിരുപ്പതി മാതൃകയിൽ ആധുനിക തീർത്ഥാടന കേന്ദ്രമാക്കും: നടപടികൾ ഈ സീസണിന് പിന്നാലെ ആരംഭിക്കുമെന്ന് മുഖ്യമന്ത്രി

പൊട്ടന്മാർക്ക് ഇ20 സയൻസ് അറിയില്ല, കന്നാസിൽ കൊണ്ടുപോയി മിക്സ് ചെയ്തോ ആവോ: സുരേഷ് ഗോപി

സതീശൻ സർക്കാരിനെതിരെ ജുഡീഷ്യൽ അന്വേഷണം ആവശ്യപ്പെട്ട് സിപിഎം; ആറ് മാസം കൊണ്ട് അഴിമതി ഭരണം പൊടിപൊടിക്കുന്നു !

ധൂർത്ത് തുടർന്ന് സതീശൻ; മന്ത്രിമാരുടെ നെയിം ബോർഡ് മാറ്റാൻ ഖജനാവിൽ നിന്ന് മൂന്ന് ലക്ഷം !

അടുത്ത ലേഖനം
Show comments