പ്രതിദിന രോഗികൾ 60,000ത്തിന് താഴെ, 24 മണിക്കൂറിനുള്ളിൽ 1576 മരണം

രാജ്യത്ത് കഴിഞ്ഞ 24 മണിക്കൂറിനിടെ 58,419 പേര്‍ക്കു കൂടി കോവിഡ് സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം. 81 ദിവസങ്ങൾക്ക് ശേഷമാണ് രാജ്യത്തെ പ്രതിദിന കേസുകളുടെ എണ്ണം 60,000ത്തിന് താഴെ എത്തുന്നത്. 

കഴിഞ്ഞ 24 മണിക്കൂറിനിടെ 87,619 പേര്‍ കൂടി രോഗമുക്തി നേടിയതോടെ രാജ്യത്ത് രോഗമുക്തരായവരുടെ എണ്ണം 2,87,66,009 ആയി. കഴിഞ്ഞ 24 മണിക്കൂറിനിടെ 1576 പേരാണ് കൊവിഡ് ബാധിച്ച് മരിച്ചത്. ഇതോടെ രാജ്യത്ത് കൊവിഡ് ബാധിച്ച് മരിച്ചവരുടെ എണ്ണം 3,86,713 ആയി. നിലവില്‍ രാജ്യത്ത് 7,29,243 സജീവ കേസുകളാണുള്ളത്. ഇതുവരെ 27,66,93,572 ഡോസ് വാക്‌സിന്‍ നല്‍കി.