പട്ടാള കാന്റീനിലെ മദ്യം മറിച്ചു വിറ്റാൽ കർശന നടപടിയെടുക്കും; കരസേനാ മേധാവി

ന്യൂഡൽഹി, വ്യാഴം, 12 ജൂലൈ 2018 (11:29 IST)

പട്ടാള കാന്റീനിൽനിന്ന് വാങ്ങുന്ന മദ്യം മറിച്ചുവിൽക്കുന്നവർക്കെതിരെ കർശന നടപടിയെടുക്കുമെന്ന് കരസേനാ മേധാവി ജനറൽ ബിപിൻ റാവത്തിന്റെ മുന്നറിയിപ്പ്. ഇതുൾപ്പെടെ അഴിമതി തടയാൻ ലക്ഷ്യമിട്ടുള്ള 37 നിർദ്ദേശങ്ങളാണ് ജനറൽ റാവത്ത് സേനാംഗങ്ങൾക്കു നൽകിയിരിക്കുന്നത്. സേനയിലെ സൗകര്യങ്ങൾ ദുരുപയോഗം ചെയ്യുന്നതു സംബന്ധിച്ച പരാതികൾ കണക്കിലെടുത്താണ് ഇത്തരത്തിലുള്ള നടപടികൾക്ക് തുടക്കം.
 
വിരമിച്ച ഓഫിസർമാരെ സേവിക്കാൻ സേനാംഗങ്ങളെ നിയോഗിക്കുന്നതു വിലക്കിയും സേനാ ക്യാംമ്പുകളിൽ നടക്കുന്ന ആഘോഷങ്ങൾക്ക് നിയന്ത്രണമേർപ്പെടുത്തിയുമുള്ള നിർദേശങ്ങൾ കർശനമായി പാലിക്കണമെന്നും അദ്ദേഹം വ്യക്തമാക്കി. അഴിമതി നടത്തുന്ന സേനാംഗങ്ങൾ ആരായാലും അവരുടെ പദവിയും റാങ്കും നോക്കാതെ ഒഴിവാക്കും. പെൻഷൻ പോലും നൽകാതെ അവരെ പുറത്താക്കാനും മടിക്കില്ല. ഔദ്യോഗിക തലത്തിലേക്കുള്ള പദവികൾ ലക്ഷ്യമിട്ട് മേലുദ്യോഗസ്ഥനെ അനാവശ്യമായി സേവിക്കാൻ ശ്രമിക്കുന്ന ഉദ്യോഗസ്ഥരെയും കണ്ടെത്തും.
 
സേനയ്ക്കെതിരെ സമൂഹ മാധ്യമങ്ങളിൽ ശത്രു വിഭാഗങ്ങൾ പ്രചരിപ്പിക്കുന്ന അടിസ്ഥാനരഹിത ആരോപണങ്ങൾക്കെതിരെ ജാഗ്രത പാലിക്കണമെന്നും ജനറൽ റാവത്ത് മുന്നറിയിപ്പു നൽകി. അതേസമയം, ആത്മാർഥമായി ജോലി ചെയ്യുന്ന ഓഫീസർമാർക്ക് അർഹിക്കുന്ന അംഗീകാരം നൽകും. എണ്ണയിൽ മുക്കിയ അനാരോഗ്യ ഭക്ഷ്യ പദാർഥങ്ങൾ (പകോഡ, പൂരി) ഒഴിവാക്കി, പകരം ഊർജദായകമായ ഭക്ഷണം സേനാംഗങ്ങൾക്കു ലഭ്യമാക്കും. 



ഇതിനെക്കുറിച്ച് കൂടുതല്‍ വായിക്കുക :  
പട്ടാളം പട്ടാള ക്യാന്റീൻ മദ്യം ബിപിൻ റാവത്ത് കരസേനാ മേധാവി Liquir Canteen Soldiure Bibib Ravath

വാര്‍ത്ത

news

അത് ജസ്ന തന്നെയെന്ന് സഹപാഠികൾ, അല്ലെന്ന് കുടുംബം- തിരച്ചിൽ ബെംഗളൂരുവിലേക്ക് വ്യാപിപ്പിച്ച് പൊലീസ്

മുണ്ടക്കയം ബസ് സ്റ്റാന്‍ഡിനു സമീപത്തെ കച്ചവട സ്ഥാപനത്തിന്‍റെ സിസിടിവിയില്‍ പതിഞ്ഞ ...

news

അഭിമന്യുവിന്റെ കൊലപാതകം: രണ്ടു പോപ്പുലർ ഫ്രണ്ട് പ്രവർത്തകർ കൂടി പിടിയിൽ

അഭിമന്യു വധക്കേസ് അന്വേഷണത്തിന്റെ ഭാഗമായി രണ്ടുപേർ കൂടി പൊലീസ് കസ്‌റ്റഡിയിൽ. ആലപ്പുഴ ...

news

മഴയിൽ മുങ്ങി വയനാട്; താമരശേരി ചുരത്തിൽ വാഹനങ്ങള്‍ക്ക് താല്‍ക്കാലിക നിയന്ത്രണം

താമരശ്ശേരി ചുരത്തില്‍ വാഹനങ്ങള്‍ക്ക് താല്‍ക്കാലിക നിയന്ത്രണം. വരും ദിവസങ്ങളില്‍ കനത്ത ...

news

‘എനിക്കൊരു പ്രണയമുണ്ട്, പിന്മാറില്ല’ - അന്ന് കൌൺസിലിങിന് വന്നപ്പോൾ നീനു പറഞ്ഞതിങ്ങനെയായിരുന്നുവെന്ന് ഡോക്ടർ

കോട്ടയത്ത് കൊല്ലപ്പെട്ട കെവിൻ ജോസഫിന്റെ ഭാര്യ നീനുവിന് യാതോരു മാനസിക പ്രശ്നങ്ങളും ...