അനുബന്ധ വാര്ത്തകള്
- കണ്ണൂർ വിമാനത്താവളം ഉദ്ഘാടനം ഡിസംബർ ഒൻപതിന്
- ലിംഗസമത്വത്തിന് കോണ്ഗ്രസ് പ്രതിജ്ഞാബദ്ധമാണ്; എന്നാല് ശബരിമലയിലെ സാഹചര്യം വ്യത്യസ്തമാണെന്ന് രമേശ് ചെന്നിത്തല
- കടലിൽ പോയ മത്സ്യത്തൊഴിലാളികൾ ഇന്ന് തിരിച്ചെത്തും; ആശങ്ക വേണ്ടെന്ന് ഫിഷറീസ് വകുപ്പ്
- വിവാദങ്ങൾ അതിന്റെ വഴിക്ക് നടക്കും; ശബരിമലയിൽ വനിതാ പൊലീസുകാർക്കായി അയൽ സംസ്ഥാനങ്ങൾക്ക് കത്തയച്ച് ഡിജിപി
- 'കോടതി വിധി അനുകൂലമാണ്, ഇഷ്ടമുള്ള സ്ത്രീകൾക്ക് ശബരിമലയിലേക്ക് പോകാം, അല്ലാത്തവർ പോകേണ്ട; സ്ത്രീകളെ കൊണ്ടുപോകാനും വരാനും സിപിഎം ഇടപെടില്ല'- കോടിയേരി ബാലകൃഷ്ണൻ
വിശ്വാസവും ജോലിയും രണ്ട്: സേനയിൽ സ്ത്രീ പുരുഷ വ്യത്യസമില്ല, ശബരിമലയിൽ ഉടൻ വനിതാ പൊലീസുകാരെ നിയമിക്കുമെന്ന് ഡി ജി പി
തിരുവനന്തപുരം: ഈ മാസം മുതൽ സന്നിധാനത്ത് വനിതാ പൊലീസുകാരെ നിയോഗിക്കുമെന്ന് ഡി ജി പി ലോക്നാഥ് ബെഹ്റ. വിശ്വാസവും ജോലിയും രണ്ടാണെന്നും സേനയിൽ സ്ത്രീ പുരുഷ വ്യത്യാസമില്ലെന്നും അദ്ദേഹം പറഞ്ഞു
500 വനിതാ പൊലീസുകാരെയെങ്കിലും സന്നിധാനത്ത് നിയോഗിക്കേണ്ടി വരുമെന്നാണ് ഇപ്പോഴത്തെ കണക്കുകൂട്ടൽ. പുതുച്ചേരിയടക്കം അഞ്ച് സംസ്ഥാനങ്ങളോട് വനിതാ പൊലീസുകാരെ വിട്ടു നൽകാൻ ആവശ്യപ്പെട്ടിട്ടുണ്ട്. ഒരു പ്ലട്ടൂൺ വനിതാ പൊലീസിനെയെങ്കിലും വിട്ടുനൽകണമെന്നാണ് ലോക്നാഥ് ബെഹ്റ മറ്റു സംസ്ഥാനങ്ങളിലെ പൊലീസ് മേധാവികളോട് അഭ്യർത്ഥിച്ചിട്ടുള്ളത്.
തുലാമാസ പൂജക്കായി 18ന് നടതുറക്കുമ്പോൾ തന്നെ സ്ത്രീകൾ എത്താനുള്ള സാധ്യത കണക്കിലെടുത്താണ് ഉടൻ തന്നെ വനിതാ പൊലീസിനെ നിയമിക്കാൻ തിരൂമാനിച്ചിരിക്കുന്നത്. വിവിധ സംഘടനകൾ പ്രതിശേധമായി എത്താൻ സാധ്യതയുള്ളതിനാൽ കനത്ത സുരക്ഷ ഒരുക്കാനാണ് തീരുമാനം.
400 വനിത പോലിസുകാരെയാവും സംസ്ഥാനം നിയോഗിക്കുക. 150 പൊലീസുകാരെ മറ്റു സംസ്ഥാനങ്ങളിൽ നിന്നും കണ്ടെത്താനാണ് ശ്രമം. അതേസമയം സംസ്ഥാന പൊലീസ് സേനയിൽ ചില സ്ത്രീകൾക്ക് ശബരിമലയിൽ സേവനം അനുഷ്ടിക്കുന്നതിന് അതൃപ്തി ഉള്ളതായാണ് ഇന്റലിജൻസ് റിപ്പോർട്ട്. ഇത്തരക്കാരെ ഒഴിവാക്കിയാവും ഡ്യൂട്ടി തീരുമാനിക്കുക.
