അനുബന്ധ വാര്ത്തകള്
- എട്ടുവര്ഷത്തിനുള്ളില് സംസ്ഥാനത്തെ അതിഥി തൊഴിലാളികളുടെ എണ്ണം ജനസംഖ്യയുടെ ആറിലൊന്നായി മാറുമെന്ന് പഠനം
- ഒമിക്രോണിന് പ്രതിരോധശേഷി മുറിച്ചുകടക്കാന് കഴിവുണ്ടെന്ന് പഠനം
- കേരളത്തില് ഇന്നുമുതല് രാത്രികാല നിയന്ത്രണം; പുറത്തിറങ്ങാന് സ്വയംസാക്ഷ്യപത്രം
- ഇന്ന് കൊവിഡ് സ്ഥിരീകരിച്ച 2846 പേരില് രണ്ടുഡോസ് വാക്സിനും സ്വീകരിച്ചിരുന്നത് 1494 പേര്
- സംസ്ഥാനത്ത് ഏര്പ്പെടുത്തിയ നിയന്ത്രണങ്ങള് ആരാധനാലയങ്ങള്ക്കും ബാധകം
കേരളത്തില് ഒമിക്രോണ് സാമൂഹിക വ്യാപനത്തിനു സാധ്യത; ദിനംപ്രതി 25,000 കേസുകള് റിപ്പോര്ട്ട് ചെയ്തേക്കാം
ഒന്നര മാസത്തിനുള്ളില് കേരളത്തില് ഒമിക്രോണിന്റെ സാമൂഹിക വ്യാപനമുണ്ടാകാനുള്ള സാധ്യതയുണ്ടെന്ന് ആരോഗ്യവിദഗ്ധരുടെ വിലയിരുത്തല്. ഒന്നര മാസത്തിനുള്ളില് ദിവസവും 25,000-ത്തിന് മുകളില് കേസുകള് ഉണ്ടായേക്കാമെന്നാണ് വിദഗ്ധര് മുന്നറിയിപ്പ് നല്കുന്നത്.
കൂടിയ അപകടസാധ്യതയുള്ള രാജ്യങ്ങളില് നിന്നെത്തിയവര്ക്ക് മാത്രമല്ല ഇപ്പോള് ഒമിക്രോണ് സ്ഥിരീകരിച്ചിരിക്കുന്നത്. ക്വാറന്റെയ്ന് സമയം കഴിഞ്ഞിട്ട് രോഗബാധിതരായവരുമുണ്ട്. ഇവരിലൂടെ നാട്ടിലുള്ളവര്ക്കും രോഗംപകരാന് സാധ്യതയുണ്ട്. രോഗബാധിതരായി സമ്പര്ക്കത്തിലായവരെ കണ്ടെത്താന് സാധിക്കാത്ത കേസുകളും ഉണ്ട്. മാത്രമല്ല രോഗബാധിതരായി എത്തുന്നവരുടെ സമ്പര്ക്കപ്പട്ടികയിലുള്ളവരെ കണ്ടെത്തി നിരീക്ഷണത്തിലാക്കാന് പല കേസുകളിലും സാധിച്ചിട്ടില്ല. സമ്പര്ക്കപ്പട്ടികയിലുള്ളവര് സമൂഹത്തില് ഇറങ്ങി നടന്ന് രോഗവ്യാപനം കൂട്ടാന് സാധ്യതയുണ്ടെന്നും ആരോഗ്യവിദഗ്ധര് പറയുന്നു.
