അനുബന്ധ വാര്ത്തകള്
- അരൂരില് പൊലീസ് വേഷത്തിലെത്തി കവര്ച്ച; അതിഥി തൊഴിലാളികളായ ദമ്പതിമാരില് നിന്നും 8000രൂപയും ലാപ്ടോപും തട്ടിയെടുത്തു
- സ്റ്റെം സെൽ ചികിത്സ, കൊവിഡ് പ്രതിരോധത്തിൽ നിർണായക നേട്ടവുമായി യുഎഇ
- പൊതുമാപ്പ് കിട്ടിയ ഇന്ത്യക്കാരെ സൗജന്യമായി നാട്ടിലെത്തിക്കാമെന്ന് കുവൈത്ത്
- മൃതദേഹവുമായി യാത്ര ചെയ്ത ആംബുലൻസിൽ ഉണ്ടായിരുന്ന മൂന്ന് പേർക്ക് കോവിഡ് 19 സ്ഥിരീകരിച്ചു
- ആളനക്കമില്ലാതെ ഇന്ന് തൃശൂര്പൂരം; ക്ഷേത്രത്തിനകത്തെ താന്ത്രിക ചടങ്ങുകള് മാത്രം നടത്തും
വിദേശത്തുനിന്നും ഇതരസംസ്ഥാനങ്ങളില് നിന്നും മലയാളികളുടെ മടങ്ങിവരവ്; നോര്ക്കയില് രജിസ്ട്രേഷന് 5 ലക്ഷം കടന്നു
വിദേശ രാജ്യങ്ങളില് നിന്നും ഇതര സംസ്ഥാനങ്ങളില് നിന്നും കേരളത്തിലേക്ക് മടങ്ങിവരുന്നതിനായി നോര്ക്ക വെബ്സൈറ്റില് രജിസ്റ്റര് ചെയ്തവരുടെ എണ്ണം അഞ്ചു ലക്ഷം കവിഞ്ഞു. 203 രാജ്യങ്ങളില് നിന്ന് 3,79,672 വിദേശ മലയാളികളും ഇതരസംസ്ഥാനങ്ങളില് നിന്ന് 1,20,887 പേരും ഉള്പ്പെടെ മൊത്തം 5,00,059 പേരാണ് രജിസ്റ്റര് ചെയ്തത്.
മടക്കയാത്രയ്ക്കൊരുങ്ങുന്ന വിദേശ പ്രവാസികളുടെ എണ്ണത്തില് മലപ്പുറം ജില്ലയാണ് മുന്നില്. 63839 പേരാണ് വെള്ളിയാഴ്ച വരെ രജിസ്റ്റര് ചെയ്തത്. തൃശ്ശൂര്, കോഴിക്കോട് ജില്ലകളിലുള്ള 47000ത്തിലധികം പ്രവാസികള് രജിസ്റ്റര് ചെയ്തിട്ടുണ്ട്. മടങ്ങി വരുന്നതിന് ഏറ്റവും കൂടുതല് പ്രവാസികള് രജിസ്റ്റര് ചെയ്തിട്ടുള്ളത് യുഎഇ, സൗദി അറേബ്യ എന്നിവിടങ്ങളില് നിന്നാണ്. കര്ണാടക, തമിഴ്നാട്, മഹാരാഷ്ട്ര എന്നിവിടങ്ങളില് നിന്നാണ് കൂടുതല് ഇതരസംസ്ഥാന പ്രവാസികള് രജിസ്റ്റര് ചെയ്തിട്ടുള്ളത്.
