11.2 ശതമാനം കുറവാണ് 2020ല്‍ കേരളത്തിലെ മരണസംഖ്യയില്‍ വന്നിരിക്കുന്നതെന്ന് മുഖ്യമന്ത്രി പിണറായി വിജയന്‍ പറഞ്ഞു. കേരളത്തില്‍ 2,63,901 മരണങ്ങളാണ് 2019ല്‍ ഉണ്ടായത്. എന്നാല്‍ 2020ല്‍ ഉണ്ടായത് 2,34,536 മരണങ്ങളാണ്. അതായത് 29,365 മരണങ്ങളുടെ കുറവാണ് ഇവിടെ ഉണ്ടായത്. ഏകദേശം 11.2 ശതമാനം കുറവാണ് 2020ല്‍ കേരളത്തിലെ മരണസംഖ്യയില്‍ വന്നിരിക്കുന്നത്. 100 ശതമാനം ജനനങ്ങളുടേയും മരണങ്ങളുടെ രജിസ്റ്റര്‍ സൂക്ഷിക്കുന്ന സംസ്ഥാനമാണ് കേരളമെന്നും മുഖ്യമന്ത്രി പറഞ്ഞു.

റോഡ് അപകളുടെ എണ്ണത്തില്‍ കുറവു വന്നിട്ടുണ്ട്. 2019ല്‍ ഒരു മാസം റോഡപകടങ്ങള്‍ കാരണമുണ്ടാകുന്ന മരണങ്ങളുടെ ശരാശരിയെടുത്താല്‍ പോലും ഏകദേശം 800 മരണങ്ങളുടെ കുറവാണുണ്ടായതെന്ന് കണക്കാക്കാം. അതൊഴിവാക്കിയാല്‍ പോലും ഈ വര്‍ഷം 28,565 മരണങ്ങളുടെ കുറവാണുണ്ടായിരിക്കുന്നതെന്നും മുഖ്യമന്ത്രി പറഞ്ഞു.