കെ ആര്‍ അനൂപ്|
Last Modified തിങ്കള്‍, 22 മെയ് 2023 (11:25 IST)
കഠിന കഠോരമീ അണ്ഡകടാഹം ബേസില്‍ ജോസഫിനെ നായകനാക്കി നവാഗതനായ മുഹഷിന്‍ സംവിധാനം ചെയ്ത ചിത്രമാണ്.സോണി ലിവ്വിലൂടെ മെയ് 19 മുതല്‍ സ്ട്രീമിംഗ് ആരംഭിച്ച സിനിമയ്ക്ക് നല്ല അഭിപ്രായങ്ങള്‍ ലഭിക്കുന്നതിനുള്ള സന്തോഷം തിരക്കഥാകൃത്തായ ഹര്‍ഷദ് പങ്കുവെച്ചു.
ഉണ്ട, പുഴു എന്നീ ചിത്രങ്ങളുടെ തിരക്കഥാകൃത്തായ ഹര്‍ഷദ് ആണ് തിരക്കഥ ഒരുക്കുന്നത്.
'യാ റബ്ബേ.... എന്തൊരു മനുഷ്യരാണ് ചുറ്റുമുള്ളത്. കഠിന കഠോരമീ അണ്ഡകടാഹം തിയേറ്ററില്‍ റിലീസായിരുന്ന നേരത്തും പിന്നെ ഇന്നലെ മുതല്‍ #osnylive ല്‍ വന്നു തുടങ്ങിയപ്പൊഴും ഞങ്ങള്‍ക്ക് വരുന്ന മെസ്സേജുകളിലും ഫോണ്‍ കോളിലും നിറഞ്ഞു നില്‍ക്കുന്ന ഇമോഷണന്‍സ് യാ അള്ളാ, ഇതെന്റെ ജീവിതത്തിലെ ആദ്യ അനുഭവമാണ്! എല്ലാവരുടെ മെസ്സേജിലും ഫോണിലും ആവര്‍ത്തിച്ചു വന്ന ഒരു വാചകം: വല്ലാത്തൊരു സിനിമ... ! ഈ സ്‌നേഹം, ഇതൊരു ഊര്‍ജ്ജമാണ്. ആയിരമായിരം നന്ദി മനുഷ്യരേ..',-ഹര്‍ഷദ് കുറിച്ചു.
ഇന്ദ്രന്‍സ്, ജോണി ആന്റണി, ജാഫര്‍ ഇടുക്കി, ബിനു പപ്പു, സുധീഷ്, നിര്‍മ്മല്‍ പാലാഴി, സ്വതി ദാസ് പ്രഭു, അശ്വിന്‍, പാര്‍വതി കൃഷ്ണ, ഫറ ഷിബ്ല, ശ്രീജ രവി തുടങ്ങിയ താരനിര ചിത്രത്തിലുണ്ട്.
