കെ ആര്‍ അനൂപ്|
Last Modified ബുധന്‍, 14 ഡിസം‌ബര്‍ 2022 (15:07 IST)
ഏറെ പ്രതീക്ഷയോടെ കാത്തിരിക്കുന്ന കമല്‍ഹാസന്‍-മഹേഷ് നാരായണന്‍ ടീമിന്റെ ചിത്രം ഉപേക്ഷിച്ചെന്ന തരത്തിലുള്ള വാര്‍ത്തകള്‍ പ്രചരിച്ചിരുന്നു. എന്നാല്‍ സിനിമ ഉപേക്ഷിച്ചിട്ടില്ലെന്ന് സംവിധായകന്‍ മഹേഷ് നാരായണന്‍.
വിക്രം സിനിമ വിജയമായതിന് പിന്നാലെ ആയിരുന്നു ചിത്രം പ്രഖ്യാപിച്ചത്. അഭിപ്രായ ഭിന്നതകള്‍ കാരണം സിനിമ ഉപേക്ഷിക്കുന്ന തരത്തിലുള്ള റിപ്പോര്‍ട്ടുകള്‍ പുറത്തുവന്നിരുന്നു. എന്നാല്‍ ഇതെല്ലാം തെറ്റാണെന്ന് സംവിധായകന്‍ അറിയിച്ചു. തിരക്കഥയുടെ ജോലികള്‍ പൂര്‍ത്തിയായിട്ടില്ല. അതിന്റെ പണിപ്പുരയിലാണ് സംവിധായകന്‍. മറ്റ് സിനിമകളുടെ തിരക്കില്‍ കമല്‍ ആയതിനാലാണ് തിരക്കഥ പൂര്‍ത്തിയാകാന്‍ വൈകുന്നത്.
ഭരതന്‍ സംവിധാനം ചെയ്ത 'തേവര്‍മകന്‍' എന്ന സിനിമയുടെ തുടര്‍ച്ചയായിരിക്കും ഇതൊന്നും പറയപ്പെടുന്നു. തിരക്കഥ പൂര്‍ത്തിയായാല്‍ ഉടന്‍ ചിത്രീകരണം ആരംഭിക്കുമെന്നും മഹേഷ് നാരായണന്‍ അറിയിച്ചു.
