ന്യൂഡല്ഹി: അരുണിമയെ ഓര്മ്മയില്ലെ? നമ്മുടെ മുന് ദേശീയ വോളിബോള് താരം, കവര്ച്ച തടയാന് ശ്രമിക്കുന്നതിനിടെ ട്രെയിനില് നിന്നു വീണു ഒരു കാല് നഷ്ടപ്പെട്ട അരുണിമ സിന്ഹ. ആ അരുണിമ ഒറ്റക്കാലില് എവറസ്റ്റ് കീഴടക്കി നിശ്ചയദാര്ഢ്യത്തിന്റെ എവറസ്റ്റായി നമുക്കു മുന്നില് നില്ക്കുന്നു. ഈ നേട്ടത്തില് നമുക്കും അഭിമാനിക്കാം.
മധുര: തമിഴ്നാട്ടിലെ ക്ഷേത്രനഗരമായ മധുരയില് ഞായറാഴ്ച തയ്യാറാക്കിയ ദോശയുടെ നീളം എത്രയാണെന്നോ,48.2 അടി! ഇവിടെ സംഘടിപ്പിച്ച ഭക്ഷ്യമേളയുടെ ഭാഗമായാണ് ഭീമന് ദോശ ഉണ്ടാക്കിയത്. ഗിന്നസ് ബുക്കില് ഇടം പിടിക്കാന് വേണ്ടിയായിരുന്നു ഒരു കൂട്ടം ഹോട്ടലുകാര് ചേര്ന്ന് ദോശ ഉണ്ടാക്കിയത്.