പുളിയിലക്കരമുണ്ട് തലയില് കെട്ടി, കൃതാവും മേല്മീശയും വച്ച്, പാവ് മുണ്ടുടുത്ത്, നെറ്റിയിലും രോമാവ്രതമായ മാറിലും കളഭം പൂശി, നാലുംകൂട്ടി മുറുക്കിയാണ് അമരക്കാര് നില്ക്കുന്നത്. പണ്ട് കാലത്തെ കേരള പടനായകന്മാരെ അനുസ്മരിപ്പിക്കുന്നതാണ് ഈ വേഷം. വള്ളം ഓടിത്തുടങ്ങുന്നതോടെ ഇരുവശത്തും നില്ക്കുന്ന ആവേശഭരിതരായ ജനങ്ങള് തോണികളിലേക്ക് വെറ്റില പറപ്പിക്കുന്നു. ചിലര് അവില്പ്പൊതിയെറിയുന്നു. മറ്റ് ചിലര് പഴക്കുല സമര്പ്പിക്കുന്നു. കളിയോടങ്ങളില് ഭഗവത്സാമീപ്യമുണ്ടെന്ന വിശ്വാസമാണ് ഇതിന് കാരണം.
വള്ളംകളിക്കൊപ്പം വള്ള സദ്യയ്ക്കും പ്രാധാന്യമുണ്ട്. സന്താനലാഭത്തിന് വേണ്ടിയാണ് "വള്ളസദ്യ' നടത്തുന്നത്. ആറന്മുള ക്ഷേത്രത്തിലെ ഒരു പ്രധാന വഴിപാടാണിത്. വള്ളം കളിയില് പങ്കെടുക്കുന്നവര്ക്കുള്ള സദ്യയാണിത്. ഒന്നോ അതിലധികമോ കരയിലുള്ളവര്ക്കാണ് സാധാരണയായി സദ്യ നല്കുന്നത്.
ഈശ്വരാര്പ്പണമായാണ് ആറന്മുള വള്ളം കളി ആരംഭിച്ചത്. ചരിത്രകാരന്മാര് ഇതിന് 200 കൊല്ലം പഴക്കം കല്പിക്കുന്നു. 1972 മുതല് വര്ഷങ്ങളോളം ആറന്മുള വള്ളംകളി മത്സരമായി നടത്തിയിരുന്നു. കേരള സര്ക്കാരിന്റെ ഓണത്തോടനുബന്ധിച്ച വിനോദ വാരാഘോഷത്തിന്റെ പ്രധാന ആകര്ണം കൂടിയാണിത്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
