‘ടോര്ട്ടുഗ കുടുംബത്തിന്റെ കഥ‘- ടര്ട്ടില് ഫാമിലി, ഞായറാഴ്ച വൈകിട്ട് 6.30 ന് കൈരളി തീയേറ്ററില് പ്രദര്ശിപ്പിക്കും. കൌമാരക്കാരായ രണ്ട് ആണ്കുട്ടികളും ജോലിയില്ലാത്ത അവരുടെ പിതാവും അമ്മാവനും അടങ്ങുന്നതാണ് ടോര്ട്ടുഗ കുടുംബം.
അകാലത്തില് വിട്ടു പോയ അമ്മയുടെ ഓര്മ്മ ഒരു കാര്മേഘം പോലെ ഈ കുടുംബത്തിനു മേല് നിഴല് വിരിക്കുന്നു. അമ്മയുടെ ചരമ വാര്ഷികത്തിന്റെ തലേ ദിവസം നടക്കുന്ന സംഭവവികാസങ്ങളാണ് സിനിമക്ക് ആധാരം. മാനുവലെന്ന അമ്മാവന് കുടുംബത്തിന് താങ്ങും തണലുമായി എത്തുന്നു.
റുബന് ഇമാസാണ് ഈ സിനിമ സംവിധാനം ചെയ്തിരിക്കുന്നത്. സ്പാനിഷ്, മെക്സികോ ഭാഷകളില് പുറത്തിറങ്ങിയ ഈ ചിത്രത്തില് ലോസ് ഏഞ്ജല് ബിച്ചിയര്, ലൂസിയ പാരഡോ, മാനുവല് പ്ലാറ്റോ ലോപ്പസ് തുടങ്ങിയവരാണ് പ്രധാന വേഷത്തില് എത്തുന്നത്.
2007 ലെ ടൊളാസോ ലാറ്റിന് അമേരിക്കന് ഫിലിം ഫെസ്റ്റിവെലില് ഈ സിനിമക്ക് അവാര്ഡ് ലഭിച്ചിരുന്നു. 2006 ലാണ് ഈ സിനിമ പുറത്തിറങ്ങിയത്. ഗാലോ ഡുരാന്റെ പശ്ചാത്തല സംഗീതം നിരൂപക പ്രശംസ പിടിച്ചു പറ്റിയതാണ്.
|
അഭിപ്രായം,നിര്ദ്ദേശം
സുഹൃത്തിന് അയക്കൂ
പേജ് പ്രിന്റ്ചെയ്യൂ
