Bodyguard has universal appeal: Siddique | ഇനി മുന്ഗണന ഹിന്ദിക്ക്: സിദ്ദിഖ്
IFM |
ഈ വിജയം കൂടുതല് വിനയാന്വിതനാക്കുന്നു എങ്കിലും സിദ്ദിഖ് പറയുകയാണ് - ഇനി സജീവമാകുന്നത് ബോളിവുഡിലായിരിക്കും. മലയാളത്തില് ഇനി സന്ദര്ശനം ഇടയ്ക്കിടെ മാത്രം. ഹിന്ദി സിനിമയുടെ ഇടവേളകളില് മാത്രം. “ബോഡിഗാര്ഡിന്റെ വിജയത്തേക്കാള് വലിയ വിജയങ്ങള് ഞാന് ഇവിടെ സൃഷ്ടിച്ചിട്ടുണ്ട്. പക്ഷേ, അന്നൊന്നും ഇത്ര കോലാഹലങ്ങള് ഉണ്ടായില്ല. മറ്റെവിടെയെങ്കിലും പോയി അംഗീകരിക്കപ്പെടുമ്പോഴാണ് മലയാളി ഒരാളെ അംഗീകരിക്കുന്നത്. ഞാനുള്പ്പെടെയുള്ളവരുടെ സ്വഭാവമാണത്. നമ്മളെ അംഗീകരിക്കുന്നയിടമായതുകൊണ്ട് ഹിന്ദിക്ക് മുന്ഗണന കൊടുക്കാനാണ് തീരുമാനം. ഇടയ്ക്കിടയ്ക്ക് മലയാളവും” - മാതൃഭൂമിക്ക് അനുവദിച്ച അഭിമുഖത്തില് സിദ്ദിഖ് പറയുന്നു.
ഹിന്ദി സിനിമാലോകം അപരിചിതമായ ഒരിടം തന്നെയായിരുന്നു സിദ്ദിഖിന്. സിദ്ദിഖ് സംവിധാനം ചെയ്ത പല ചിത്രങ്ങളും ഹിന്ദിയിലേക്ക് റീമേക്ക് ചെയ്യുകയും വലിയ ഹിറ്റുകള് ആയിത്തീരുകയും ചെയ്തിട്ടുണ്ടെങ്കിലും ഹിന്ദിയില് ഒരു സിനിമ സംവിധാനം ചെയ്യാനുള്ള അവസരം വന്നപ്പോള് സിദ്ദിഖ് ധൈര്യപൂര്വം തന്നെ അതിനെ നേരിട്ടു.
“ബോഡിഗാര്ഡിന്റെ ചര്ച്ച നടക്കുമ്പോള്ത്തന്നെ എല്ലാ രാത്രികളിലും ഹോംവര്ക്കായി ഞാന് ഒരുപാട് ഹിന്ദി സിനിമകള് കണ്ടു. നമ്മളാണ് ശരി എന്ന് ധരിച്ച് അവിടേക്ക് ചെല്ലരുത്. അത് അവരുടെ ലോകമാണ്. അവരുടേതായ ശരികളും ഉണ്ടാകും. അവിടെ അവരുടേതായ രീതിയില് ചിന്തിക്കാനും നമുക്ക് കഴിയണം. പിന്നെ ലോകത്ത് എല്ലായിടത്തും വികാരങ്ങള് ഒരുപോലെയാണ്. നമ്മള് ചിരിക്കുന്നതുപോലെയും കരയുന്നതുപോലെയുമാണ് മുംബൈയിലുള്ളവരും ചിരിക്കുന്നതും കരയുന്നതും. വ്യത്യാസമുള്ളത് വിഷ്വലുകളില് മാത്രമാണ്. ചെറുതാക്കി എടുത്തുകളയരുതെന്ന് മാത്രമായിരുന്നു ഹിന്ദിയിലെ നിര്മാതാക്കളുടെ ആവശ്യം. ലോകനിലവാരത്തിലാണ് അവര് ചിന്തിക്കുന്നതും പ്രവര്ത്തിക്കുന്നതും. അതിനുവേണ്ടി എത്ര പണം മുടക്കാനും അവര് തയ്യാറായിരുന്നു” - സിദ്ദിഖ് പറയുന്നു.
അടുത്ത പേജില് - ലാലുമായി പിരിയാനുണ്ടായ കാരണം സിദ്ദിഖ് പറയുന്നു!
PRO |
താനും ലാലും പിരിയാനുണ്ടായ കാരണത്തേക്കുറിച്ചുള്ള സൂചനകളും ഈ അഭിമുഖത്തില് സിദ്ദിഖ് നല്കുന്നു. “ 'ആര്.. ആര്..?' എന്ന് ചോദിക്കുന്നവരോടെല്ലാം 'ഞങ്ങള്.. ഞങ്ങള്...' എന്നാണ് ഞങ്ങള് പറഞ്ഞിരുന്നത്. അത് എപ്പോഴോ 'ഞാന്.. ഞാന്...' എന്നായി മാറി. അത് വളര്ന്നാല് വഴക്കാകുമെന്ന് ഞങ്ങള്ക്കറിയാമായിരുന്നു. പിന്നെ നാളുകളായി പുകഞ്ഞിരുന്ന കുറേ ചെറിയ ചെറിയ പ്രശ്നങ്ങള്. അവ പൊട്ടിത്തെറിക്കുന്നതിനുമുമ്പേ ഞങ്ങള് സ്വയം സ്ഫോടനം സൃഷ്ടിക്കുകയായിരുന്നു. ഇപ്പോഴും ലാല് ഇടയ്ക്കൊക്കെ വിളിക്കാറുണ്ട്.” - സിദ്ദിഖ് പറയുന്നു.
