ആലുവ: പതിനെട്ടുകാരിയെ ലൈംഗിക പീഡനത്തിനിരയാക്കിയ രണ്ടാനച്ഛനെ പൊലീസ് പിടികൂടി. തന്നെ പീഡനത്തിനിരയാക്കിയതായുള്ള പെൺക്കുട്ടിയുടെ പരാതിയെ തുടർന്നാണ് കുമ്പളങ്ങി സ്വദേശിയായ ബിജുവിനെ പൊലീസ് അറസ്റ്റ് ചെയ്തത്.

ആലുവയിലെ വാടകവീട്ടിൽ വച്ച് തന്നെ രണ്ടാനച്ചൻ ലൈംഗിക പീഡനത്തിനിരയാക്കിയതായാണ് പെൺക്കുട്ടി പൊലീസിൽ പരാതി നൽകിയിരിക്കുന്നത്. സംഭവത്തിൽ പൊലീസ് നടത്തിയ പ്രാഥമിക അന്വേഷണത്തിൽ പരാതിയിൽ കഴമ്പുണ്ടെന്ന് കണ്ടെത്തിയതിനെ തുടർന്നാണ് ബിജുവിനെ പൊലീസ് അറസ്റ്റ് ചെയ്തത്.

ഭർത്താവ് മരിച്ചതിനെ തുടർന്ന് വീട്ടുജോലി ചെയ്താണ് പെൺകുട്ടിയുടെ അമ്മ ജീവിച്ചിരുന്നത്. ഇതിനിടെയാണ് ബിജുവുമായി അടുപ്പത്തിലാകുന്നതും ആലുവയിലെ വാടകവീട്ടിൽ താമസം തുടങ്ങുന്നതും. ബിജുവിനെ വിശദമായി ചോദ്യചെയ്തുവരികയാണെന്ന് പൊലീസ് അറിയിച്ചു.