സൂര്യയും സുധ കൊങ്കാരയും വീണ്ടും ഒന്നിക്കുന്നു.ഒരു പുതിയ ചിത്രത്തിനായി താന്‍ വീണ്ടും സൂര്യയുമായി ഒന്നിക്കുമെന്ന് ഒരു പ്രാദേശിക ചാനലിന് നല്‍കിയ അഭിമുഖത്തില്‍ സംവിധായിക പറഞ്ഞതായി റിപ്പോര്‍ട്ടുകള്‍.

തങ്ങളുടെ അടുത്ത ചിത്രം ഒരു ബയോപിക് ആയിരിക്കുമെന്നും എന്നാല്‍ ചിത്രം ആരുടെ ജീവിത കഥ പറയുന്നതാണെന്ന് സംവിധായക വെളിപ്പെടുത്തിയിട്ടില്ല. ഇത് സംബന്ധിച്ച ഔദ്യോഗിക പ്രഖ്യാപനം പുറത്തുവന്നിട്ടില്ല.

വെട്രിമാരനൊപ്പം 'വാടിവാസല്‍' എന്ന് പേരിട്ടിരിക്കുന്ന സിനിമയുടെ തിരക്കിലാണ് സൂര്യ.ചിത്രത്തിന്റെ ടെസ്റ്റ് ഷൂട്ടിംഗ് കഴിഞ്ഞ മാസം ചെന്നൈയില്‍ നടന്നിരുന്നു, 2022 ജൂലൈ മുതല്‍ ചിത്രീകരണം ആരംഭിക്കും. സംവിധായകര്‍ ബാലയ്ക്കും ശിവയ്ക്കുമൊപ്പം ഓരോ സിനിമകളും സൂര്യയുടെ മുമ്പിലുണ്ട്.