കൊവാക്‌സിന് പിന്നാലെ ഇന്ത്യൻ നിർമിതമായ അടുത്ത വാക്‌സിൻ വരുന്നു

അഭിറാം മനോഹർ| Last Modified വ്യാഴം, 3 ജൂണ്‍ 2021 (12:41 IST)
ഭാരത് ബയോടെക്കിന്റെ കോവാക്സിന് ശേഷം ഇന്ത്യ തദ്ദേശീയമായി നിർമിച്ച രണ്ടാമത്തെ കോവിഡ് പ്രതിരോധ വാക്‌സിനും വിതരണത്തിന് തയ്യാറെടുക്കുന്നു.

ഹൈദരാബാദ് ആസ്ഥാനമാക്കി പ്രവർത്തിക്കുന്ന ബയോളജിക്കൽ-ഇയുടെ കോവിഡ്‌ വാക്‌സിനായുള്ള കരാറിലാണ് രാജ്യം ഒപ്പ് വെച്ചത്. വാക്‌സിന്റെ മൂന്നാം ഘട്ട പരീക്ഷണത്തിലാണ് ഇപ്പോൾ.വാക്സിനായി 1500 കോടി രൂപ മുൻകൂർ നൽകുമെന്ന് ആരോഗ്യമന്ത്രാലയം അറിയിച്ചു. 2021 ഓഗസ്റ്റ് മുതൽ സെപ്റ്റംബർ വരെയുളള കാലയളവിനുളളിൽ ബയോളജിക്കൽ-ഇ വാക്സിൻ ഉല്പാദിപ്പിക്കുകയും സംഭരിക്കുകയും ചെയ്യും..

കോവാക്സിന് പുറമേ സിറം ഇൻസ്റ്റിറ്റ്യൂട്ടിന്റെ കോവിഷീൽഡ്, സ്പുട്നിക് V എന്നീ വാക്സിനുകളാണ് രാജ്യത്ത് നിലവിൽ വിതരണം ചെയ്യുന്നത്. ഫൈസർ,മെഡോണ വാക്‌സിനുകൾ ഉടൻ തന്നെ രാജ്യത്ത് ലഭ്യമാക്കാനുള്ള നടപടികളുമായി മുന്നോട്ട് പോവുകയാണ് കേന്ദ്രം.



ഇതിനെക്കുറിച്ച് കൂടുതല്‍ വായിക്കുക :