കെ ആര്‍ അനൂപ്|
Last Modified ചൊവ്വ, 2 മെയ് 2023 (09:44 IST)
ധോണി പ്രൊഡക്ഷന്‍സ് ആദ്യമായി നിര്‍മിക്കുന്ന സിനിമ 'LGM' ലെറ്റ്‌സ് ഗെറ്റ് മാരീഡ്' ഒരുങ്ങുകയാണ്. ഹരീഷ് കല്യാണും ഇവാനയും പ്രധാന വേഷങ്ങളില്‍ എത്തിയ ചിത്രത്തിന്റെ ചിത്രീകരണം രണ്ടുമാസം മുമ്പാണ് ആരംഭിച്ചത്. മെയ് ഒന്നിന് സിനിമയുടെ ചിത്രീകരണം പൂര്‍ത്തിയായതായി അണിയറപ്രവര്‍ത്തകര്‍ സോഷ്യല്‍ മീഡിയയില്‍ അറിയിച്ചു.
ഒരു വീഡിയോ പങ്കുവെച്ചുകൊണ്ട് സിനിമയില്‍ പ്രവര്‍ത്തിച്ച എല്ലാ സാങ്കേതിക വിദഗ്ധര്‍ക്കും അണിയറപ്രവര്‍ത്തകര്‍ക്കും നന്ദി പറഞ്ഞു.
ഫാമിലി എന്റര്‍ടെയ്നറാണ് 'ലെറ്റ്‌സ് ഗെറ്റ് മാരീഡ്'.പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുന്നതിനാല്‍ ചിത്രത്തിന്റെ റിലീസ് ഉടന്‍ തന്നെ അണിയറപ്രവര്‍ത്തകര്‍ പ്രഖ്യാപിക്കും എന്നാണ് പ്രതീക്ഷിക്കുന്നത്.
