അനുബന്ധ വാര്ത്തകള്
- 59 രൂപയ്ക്ക് അൺലിമിറ്റഡ് വോയ്സ് കോളുകളും 4ജി ഡാറ്റയും; ജിയോയ്ക്ക് മുട്ടന് പണിയുമായി എയര്ടെല്
- ഉത്തരം മുട്ടി അമല പോൾ, നടിയെ അറസ്റ്റ് ചെയ്തു
- വി ടി ബല്റാമിന് നേരെ കയ്യേറ്റവും ചീമുട്ടയേറും; തൃത്താലയില് സംഘര്ഷം
- ബൽറാമിന്റെ മുട്ടുകാൽ തല്ലിയൊടിക്കണം, നിയമസഭാംഗത്വം റദ്ദാക്കി കഴുതപ്പുറത്തു കയറ്റി നാടുകടത്തണം; സിവിക് ചന്ദ്രന് അഡ്വ: ജയശങ്കറിന്റെ മറുപടി
- ജയിലിൽ തടവുകാർ തമ്മിൽ ഏറ്റുമുട്ടി; ഒമ്പത് മരണം, നിരവധിപേര്ക്ക് ഗുരുതര പരുക്ക്
നിങ്ങളുടെ മുന്നിലിരിക്കുന്ന മുട്ട പുഴുങ്ങിയതോ പുഴുങ്ങാത്തതോ? കുഴപ്പംപിടിച്ച കാര്യം തന്നെ!
തോടുപൊട്ടിക്കാത്ത, തിളച്ച വെള്ളത്തില് പുഴുങ്ങിയ മുട്ടയും പുഴുങ്ങാത്ത മുട്ടയും കണ്ടാല് എങ്ങനെ തിരിച്ചറിയാം? നമ്മുടെ മുമ്പിലിരിക്കുന്നത് പുഴുങ്ങിയ മുട്ടയാണോ പുഴുങ്ങാത്ത മുട്ടയാണോ എന്ന് കണ്ടെത്താന് വളരെ സിമ്പിളായ ഒരു മാര്ഗമുണ്ട്.
നമ്മുടെ അടുക്കളയിലെ ടേബിള് ആണ് പരീക്ഷണ ശാല. ആദ്യം ചെയ്യേണ്ടത്, പുഴുങ്ങിയ മുട്ട എടുത്ത് ഈ ടേബിളില് വയ്ക്കുക എന്നതാണ്. അതിന് ശേഷം സ്പീഡില് കറക്കിവിടുക. പുഴുങ്ങിയ മുട്ട നല്ല അടിപൊളിയായി കറങ്ങുന്നത് കാണാം. പെട്ടെന്നുതന്നെ അതിന്റെ കറക്കം നിര്ത്താനും കഴിയും. പിടിച്ചാലുടന് അത് കറക്കം നിര്ത്തി മര്യാദരാമനായി ഇരിക്കുന്നു.
എന്നാല് പുഴുങ്ങാത്ത മുട്ടയോ? ടേബിളിന് പുറത്ത് വച്ച് അതും കറക്കിവിടുക. വലിയ ബുദ്ധിമുട്ടാണ് ഒന്ന് കറങ്ങിക്കിട്ടാന്. സ്പീഡില് കറങ്ങാനും മടി. എന്നാല് പിടിച്ചുനിര്ത്താന് നോക്കിയാലോ? ഇത്തിരികൂടി കറങ്ങിക്കോട്ടേ എന്ന മട്ടില് വീണ്ടും കറങ്ങാനുള്ള ടെന്ഡന്സി പ്രകടിപ്പിക്കുകയും ചെയ്യും.
എന്തുകൊണ്ടാണ് ഇതെന്നല്ലേ? പൂര്ണമായും പുഴുങ്ങിയ മുട്ടയുടെ ഉള്വശം ഖരരൂപത്തിലാണ്. അത് വേഗം വട്ടംകറക്കാന് പറ്റും. എന്നാല് പുഴുങ്ങാത്ത മുട്ടയുടെ ഉള്വശം ദ്രാവകരൂപത്തിലാണ്, കറങ്ങിക്കിട്ടാന് പണിപ്പെടും. പുഴുങ്ങാത്ത മുട്ടയുടെ കറക്കം നിര്ത്താന് പ്രയാസമാണെന്നതിനും കാരണമുണ്ട്. അതിന്റെ പുറംതോട് കറക്കം നിര്ത്തിയാലും ഉള്ളിലെ ദ്രാവകം കറങ്ങിക്കൊണ്ടിരിക്കും.
പുഴുങ്ങിയമുട്ടയും പുഴുങ്ങാത്ത മുട്ടയും തമ്മില് തിരിച്ചറിയാനുള്ള ഐഡിയ കിട്ടിയില്ലേ? ഇനി ഇക്കാര്യത്തില് ആര്ക്കും നിങ്ങളെ പറ്റിക്കാനാവില്ലല്ലോ!
