ടെലിവിഷന്‍ അവതാരകയായ അശ്വതി ശ്രീകാന്ത് അഭിനയത്തിലേക്ക് ചുവടു മാറ്റിയത് അടുത്തിടെയായിരുന്നു. ചക്കപ്പഴം എന്ന പരമ്പരയിലൂടെ മലയാളികള്‍ക്ക് മറ്റൊരു നടിയെ കൂടി സമ്മാനിച്ചു. ഗര്‍ഭകാലത്തെ ഓരോ വിശേഷങ്ങളും നടി പങ്കുവയ്ക്കാറുണ്ട്. ഇപ്പോളിതാ പുതിയ ഫോട്ടോ ഷൂട്ടാണ് ശ്രദ്ധനേടുന്നത്.

മകള്‍ പത്മയെ ഗര്‍ഭിണിയായിരുന്ന കാലം മുഴുവന്‍ പലതരത്തിലുള്ള മാനസിക സമ്മര്‍ദങ്ങള്‍ അനുഭവിച്ചിട്ടുണ്ടെന്ന് അശ്വതി പറഞ്ഞിരുന്നു.

അതിനാല്‍ തന്നെ രണ്ടാമതും ഗര്‍ഭിണിയായപ്പോള്‍ തന്നാല്‍ ചെയ്യാനാവുന്ന കാര്യങ്ങള്‍ തനിക്കും കുട്ടിക്കും വേണ്ടി അശ്വതി ചെയ്തിരുന്നു. മനസ്സും ശരീരവും സ്റ്റേബിള്‍ ആയിരിക്കണം എന്ന തീരുമാനത്തില്‍ പ്രീ നേറ്റല്‍ യോഗയും താരം പരിശീലിക്കുന്നുണ്ട്.

അടുത്തിടെ വാങ്ങിയ പ്രെഗ്‌നന്‍സി തലയിണ കുറിച്ചും അശ്വതി പറഞ്ഞിരുന്നു.ആദ്യത്തെ മൂന്ന് മാസത്തില്‍ തന്നെ താന്‍ ഇത് വാങ്ങിയെന്നും അതിനുശേഷം രാത്രിയും പകലും ഒരു പ്രശ്‌നമേ അല്ലാതായെന്നും നടി പറഞ്ഞിരുന്നു.