ഫ്രീഡം 251 ഫോണ്‍ വെള്ളിയാഴ്ച മുതല്‍ ലഭിക്കും; വിലകുറഞ്ഞ എച്ച്‌ഡി എല്‍ഇഡി ടിവിയുമായി റിഗിംങ് ബെല്‍സ് എത്തുന്നു

ഫ്രീഡം 251 ഫോണ്‍ വെള്ളിയാഴ്ച മുതല്‍ ലഭിക്കും; വിലകുറഞ്ഞ എച്ച്‌ഡി എല്‍ഇഡി ടിവിയുമായി റിഗിംങ് ബെല്‍സ് എത്തുന്നു

ന്യൂഡല്‍ഹി| JOYS JOY| Last Modified വ്യാഴം, 7 ജൂലൈ 2016 (12:24 IST)
ലോകത്തിലെ ഏറ്റവും വില കുറഞ്ഞ ഫോണ്‍ ആയി വാര്‍ത്തയില്‍ ഇടം പിടിച്ച ഫോണ്‍ വെള്ളിയാഴ്ച മുതല്‍ ലഭിച്ചു തുടങ്ങും. ബുക്ക് ചെയ്തവര്‍ക്ക് ജൂണ്‍ 30 മുതല്‍ മൊബൈല്‍ ഫോണ്‍ ലഭിച്ചു തുടങ്ങുമെന്ന് റിപ്പോര്‍ട്ടുകള്‍ ഉണ്ടായിരുന്നെങ്കിലും പിന്നീട് ജൂലൈ എട്ടുമുതല്‍ ആയിരിക്കും ഫോണ്‍ ലഭിക്കുക എന്ന് അധികൃതര്‍ അറിയിക്കുകയായിരുന്നു.

അതേസമയം, ഫോണ്‍ ലഭ്യമാക്കുന്നതിനു മുമ്പായി എച്ച് ഡി എല്‍ ഇ ഡി ടെലിവിഷന്‍ ലഭ്യമാക്കാനുള്ള ആലോചനയിലാണ് റിഗിംങ് ബെല്‍സ്. ഇതു സംബന്ധിച്ച പ്രഖ്യാപനം വ്യാഴാഴ്ച നടക്കും. അതേസമയം, ഈ ടെലിവിഷന്റെ വില എന്തായിരിക്കുമെന്ന് അധികൃതര്‍ പുറത്തുവിട്ടിട്ടില്ല. റിപ്പോര്‍ട്ടുകള്‍ അനുസരിച്ച് 10, 000 രൂപയ്ക്ക് താഴെ വിലയില്‍ ആയിരിക്കും ടിവി ലഭ്യമാകുക.

റിഗിംങ് ബെല്‍സിന്റെ ഫ്രീഡം 251 ഫോണ്‍ വെള്ളിയാഴ്ച മുതല്‍ ബുക്ക് ചെയ്തവര്‍ക്ക് ലഭിച്ചുതുടങ്ങും. ഇതുവരെ രണ്ടു ലക്ഷത്തോളം ഫോണുകള്‍ തയ്യാറായി കഴിഞ്ഞതായി റിഗിംങ് ബെല്‍സ് സ്ഥാപകനും സി ഇ ഒയുമായ മോഹിത് ഗോയല്‍ വ്യക്തമാക്കി.



ഇതിനെക്കുറിച്ച് കൂടുതല്‍ വായിക്കുക :