Maha Kumbh Stampede: മഹാകുംഭ മേള നടക്കുന്ന ഉത്തര്‍പ്രദേശിലെ പ്രയാഗ് രാജില്‍ തിക്കിലും തിരക്കിലും പെട്ട് 15 മരണം. മൗനി അമാവാസി ദിനത്തോടനുബന്ധിച്ച് നടക്കുന്ന അമൃത് സ്‌നാനത്തിനിടെയാണ് അപകടം. 30 ലേറെ പേര്‍ക്ക് പരുക്കേറ്റു. തിരക്ക് നിയന്ത്രിക്കാന്‍ സ്ഥാപിച്ച ബാരിക്കേഡുകള്‍ തകര്‍ത്തു ജനക്കൂട്ടം മുന്നോട്ടു വന്നതാണ് അപകടത്തിനു കാരണം.

പരുക്കേറ്റവരെ ആശുപത്രിയില്‍ പ്രവേശിപ്പിച്ചു. മരണസംഖ്യ ഉയരാന്‍ സാധ്യതയുണ്ടെന്നാണ് റിപ്പോര്‍ട്ട്. സ്ഥലത്ത് രക്ഷാപ്രവര്‍ത്തനം തുടരുകയാണ്. പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ എന്നിവര്‍ ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥുമായി ഫോണില്‍ സംസാരിച്ചു.